ވާވޭ އެޕް ގެލަރީން އުރީދޫ އެޕް ޑައުންލޯޑް ކުރެވޭ ގޮތް ހަދައިފި

ވާވޭ ފޯނު ބޭނުން ކުރާ އުރީދޫ ކަސްޓަމަރުންނަށް އެ ކުންފުނީގެ "މައި އުރީދޫ" އެޕްލިކޭޝަން ޑައުންލޯޑު ކުރެވޭ ގޮތް ހަދައިފި އެވެ.

ވާވޭ ބްރޭންޑުގެ ފޯނުތަކަށް ގެނައި ބަދަލުތަކާ އެކު މިހާރު އެ ފޯނުތަކުގައި ގޫގަލް ޕްލޭ ބޭނުން ނުކުރެވޭނެ އެވެ. އެ ފޯނުތަކުގައި އެޕްލިކޭޝަންތައް އަޅަން މިހާރު ބޭނުން ކުރަން ޖެހޭނީ "ވާވޭ އެޕް ގެލަރީ" އެވެ.

އުރީދޫ އެޕު ތައްޔާރު ކޮށްފައިވަނީ އެޕް ސްޓޯރާއި ގޫގަލް ޕްލޭސްޓޯރަށް ހާއްސަ ކޮށްގެންނެވެ. އެހެންވެ، އެ އެޕްލިކޭޝަން ވާވޭ ފޯނުތަކުން ޑައުންލޯޑު ނުކުރެވޭ ކަމުގެ ޝަކުވާތައް ކަސްޓަމަރުންގެ ފަރާތުން ލިބޭ ކަމަށާއި އެ މައްސަލަ ހައްލުކޮށް ވާވޭ އެޕް ގެލަރީން ވެސް ޑައުންލޯޑު ކުރެވޭ ގޮތް ހަދާފައިވާނެ ކަމަށް އުރީދޫން ބުންޏެވެ.

މިއީ ވާވޭ އެޕް ގެލަރީގައި ރާއްޖޭގެ އެޕްލިކޭޝަނެއް ތައާރަފު ކުރި ފުރަތަމަ ފަހަރެވެ.

ވާވޭ ފޯނުތަކުން މައި އުރީދޫ އެޕްލިކޭޝަން އެޕް ޑައުންލޯޑު ކުރަން ބޭނުންވާ މީހުންނަށް https://ore.do/appgallery މެދުވެރިކޮށް ޑައުންލޯޑު ކުރެވޭނެ އެވެ.