ވިހަ ދުމުން ސަލާމަތްވެ ތިލަފުއްޓަށް ފެހިކަން

ތިލަފުށީގައި ކުނި އެއްދުން މިހާރު ވަނީ ހުއްޓާލައިފަ އެވެ. އެއާ އެކު ކުނިން ހެދިފައި އޮތް ބޮޑު ފަރުބަދަ ފެހި ސަރަހައްދަކަށް ބަދަލުކުރުމުގެ މަސައްކަތް ވަނީ ފަށައިފަ އެވެ. އެ ފަރުބަދައިން ދުން އެރުމާއި ނުބައި ވަސް ދުވުން ވަނީ ނިމުމަކަށް ގެނެސްފަ އެވެ.

ކުނިން ބަރާވެފައި އޮތް މި ތަނުގައި އިތުރު ބޭނުމެއް ކުރެވެން ނެތުމުން، ގަސް ހައްދައި ރީތިކޮށްފައި އޮންނަ ހިތްގައިމު ފަސްގަނޑަކަށް ބަދަލުކޮށްލާނެ އެވެ. އަދި އެތަނުގައި ކުނި މެނޭޖުކުރަން މާ ރައްކާތެރި، ތިމާވެއްޓާ ރައްޓެހި، ޒަމާނީ ނިޒާމެއް އަންނަނީ ގާއިމްކުރަމުންނެވެ.