އަލްބިއަންގެ ރޯދަ ޕްރޮމޯޝަންގައި އުމްރާ ދަތުރެއް

ބޮޑެތި ޑިސްކައުންޓުތަކާއެކު އަލްބިއަން ސްޓޯރުގެ ރޯދަ ޕްރޮމޯޝަން ފަށައިފި އެވެ.

"ރަމަޟާން ބަރަކާތް"ގެ ނަމުގައި ކުރިއަށް ގެންދާ މި ޕްރޮމޯޝަންގެ ދަށުން އެ ފިހާރަ އިން ވިއްކާ ތަކެތިން 10-80 ޕަސެންޓާ ހަމައަށް ޑިސްކައުންޓް ލިބޭނެ އެވެ.

އަންނަ މޭ މަހުގެ 12 ގެ ނިޔަލަށް ކުރިއަށް ގެންދާ ޕްރޮމޯޝަންގެ މުއްދަތުގައި އަލްބިއަންގެ ފިހާރަތަކުންނާއި ވައިބާ ކޮމިއުނިޓީ މެދުވެރިކޮށް ވިޔަފާރި ކުރާ ކަސްޓަމަރުންނަށް ހާއްސަ ކޮށްގެން ލަކީޑްރޯއެއް ވެސް އޮންނާނެ އެވެ. މި ލަކީޑްރޯ އިން ހޮވޭ މީހަކަށް އަންނަ އަހަރު އުމްރާ ދަތުރެއް ލިބޭނެ އެވެ. ލަކީޑްރޯގައި އެ ފިހާރައިން ވިޔަފާރި ކުރާ ހުރިހާ ކަސްޓަމަރުންނަށް ބައިވެރިވެވޭނެ އެވެ.

އަލްބިއަން އަކީ މުދާ ވިއްކުމުގެ އިތުރުން ކަސްޓަމައިޒްކޮށް ތަންތަން ހެދުމުގައި ވެސް އެހީވާ ބައެކެވެ. އެހެންވެ، އެ ފިހާރަ އިން ގޭގެ އަށް ގޮސް، ސާވިސިންގެ ހިދުމަތް ދިނުމުގައި ވެސް މި ޕްރޮމޯޝަންގެ ދަށުން ޑިސްކައުންޓް ލިބޭނެ އެވެ.

އަލްބިއަން ސްޓޯރަކީ ރާއްޖޭގައި ހާޑްވެއާ ސާމާނު ވިއްކުމުގައި އެއްމެ މަޝްހޫރު އެއް ފިހާރަ އެވެ. އެ ފިހާރައިން އިންޑިއާގެ ސެރާ ބްރޭންޑުގެ އުފެއްދުންތަކާއި ސްޕެއިންގެ ރޫބީ ބްރޭންޑުގެ ޓައިލް ކަޓާ އާއި ރާއްޖޭގެ ގިނަ ބައެއް މެދުގައި މަގުބޫލު ޕްރީމާ ބްރޭންޑުގެ ސިމެންތި ފިލާ ލިބެން ހުންނާނެ އެވެ.

ފެންވަރު ރަނގަޅު ޓައިލްސް އާއި ފާހަނަ ތައްޓާއި ގޭތެރެ އާއި ބަދިގެ އަދި ފާހާނާ އަށް ބޭނުންވާ ހާޑްވެއާ ސާމާނު އެ ފިހާރައިން ލިބޭނެ އެވެ. އަލްބިއަންގެ ފިހާރަ ބޮޑުތަކުރުފާނު މަގުގަ އާއި ޖަނަވަރީ މަގުގައި ހުންނާނެ އެވެ.