ކަޕިލް އަށް މި ފަހަރު ލިބުނީ ފިރިހެން ކުއްޖެއް

އިންޑިއާގެ މަޝްހޫރު ކޮމީޑިއަން ކަޕިލް ޝަރުމާ އަށް ހޯމަ ދުވަހު ފިރިހެން ކުއްޖަކު ލިބިއްޖެ އެވެ.

މި މަހުގެ 1 ވަނަ ދުވަހު ދެވަނަ ދަރިފުޅު ލިބުނުކަން ޓްވިޓާގައި ހާމަކޮށް، ބުނީ އަންހެންނާއި ދަރިފުޅުގެ ހާލު ވެސް ރަނގަޅު ކަމަށެވެ. ކަޕިލްގެ ދޮށީ ދަރިފުޅަކީ މިދިޔަ އަހަރު އެއް އަހަރު ފުރުނު އަނޭރާ ޝަރުމާ އެވެ.

ކަޕިލް އަށް ދެވަނަ ދަރިޔަކު ލިބުނު ވާހަކަ ޓްވިޓާގައި ހިއްސާކުރުމާ އެކު ވަރަށް ގިނަ ފޭނުންނާއި އިންޑިއާގެ ވަރަށް ގިނަ ސެލެބްރިޓީން އަންނަނި އޭނާ އާއި އާއިލާ އަށް މަރުހަބާކިޔަމުންނެވެ، ކަޕިލް އާއި ގިނީ ޗަތުރަތު ކައިވެނިކުރީ 2018 ގެ ޑިސެންބަރު މަހުގެ ތެރޭގަ އެވެ.

ކަޕިލް އަށް ދެވަނަ ދަރިޔަކު މި ލިބުނީ އާއިލާ އަށް ވަގުތު ދިނުމުގެ ގޮތުން ސޮނީ ޓީވީން ގެނެސްދޭ އޭނާގެ ޝޯ "ދަ ކަޕިލް ޝަރުމާ ޝޯ" އަށް މި މަހުގެ ތެރޭގައި މެދުކެނޑުމެއް ވެސް ގެންނަން ނިންމާފައި ވަނިކޮށެވެ. އެކަމާ ބެހޭ ގޮތުން ކަޕިލް ބުނީ ޝޯ އަށް އަންނާނީ ވަރަށް ކުޑަކުޑަ މެދުކެނޑުމެއް ކަމަށެވެ.

ކަޕިލް ވަނީ ނެޓްފްލިކްސްގެ ޝޯއަކަށް ވެސް ސޮއިކޮށްފަ އެވެ. އެކަމަކު އޭގެ ތަފުސީލެއް އަދި ހާމައެއްނުކުރެ އެވެ.