ތިން ލައްކަ ރުފިޔާ ލިބޭ ރެޑްވޭވް ރޯދަ ސޭލް ފަށައިފި

ތިންލައްކަ ރުފިޔާގެ ފައިސާގެ އިނާމާއި އެހެނިހެން ބޮޑެތި ހަދިޔާ ލިބޭ، ރެޑްވޭވް ރޯދަ ސޭލް މިއަދު ފަށައިފި އެވެ.

މިއީ ކޮންމެ އަހަރެއްގެ ވެސް ރޯދަ މަހާ ދިމާކޮށް ރެޑްވޭވުން ކުރިއަށްގެންދާ ޕްރޮމޯޝަނެކެވެ. މި އަހަރުގެ ޕްރޮމޯޝަން ކުރިއަށްދާނީ ރޯދަ މަހުގެ ނިޔަލަށެވެ.

ރެޑްވޭވުން ބުނީ އެހެން އަހަރުތަކެކޭ އެއްގޮތަށް މި އަހަރު ވެސް ރޯދަ ސޭލަށް ތަފާތު އެކި ބާވަތްތަކުގެ މުދާ ތައާރަފްކޮށްފައި ވާނެ ކަމަށެވެ. އަދި މިގޮތަށް ތައާރަފު ކުރާ ތަކެތި ކަސްޓަމަރުންގެ އެދޭ ގޮތަށް ހެޔޮ އަގެއްގައި ލިބެން ހުންނާނެ ކަމަށް އެ ފިހާރައިން ބުންޏެވެ.

މި ސޭލްގެ ދަށުން ރެޑްވޭވްގެ ފިހާރަތަކުން 500ރ. އިން މަތީގެ ވިޔަފާރި ކުރާ ކޮންމެ ކަސްޓަމަރަކަށް ކޫޕަނެއް ލިބޭނެ އެވެ. ކޫޕަން ފުރާ މީހުންގެ ތެރެއިން އެއްވަނައަށް ހޮވޭ މީހަކަށް ތިން ލައްކަ ރުފިޔާގެ ފައިސާގެ އިނާމު ވަނީ ހުށަހަޅައިފަ އެވެ. އަދި އިތުރު ފަސް މީހަކަށް 10،000ރ. ގެ ފައިސާގެ އިނާމު ލިބޭނެ އެވެ.

މީގެ އިތުރުން ގުރުއަތުން ހޮވޭ އިތުރު 20 މީހަކަށް ސޯފާ ސެޓާއި އިލެކްޓްރޯނިކްސް ސާމާނު ހިމެނޭހެން އަގުހުރި އިނާމުތައް ލިބޭނެ އެވެ.

ރެޑްވޭވްއިން އަންނަނީ ރޯދަ ސޭލާ ދިމާކޮށް ގެއަށް ބޭނުންވާ ގިނަ އަދަދެއްގެ ސާމާނު ލިބެން ހުންނަ ޝޯރޫމެއް ހުޅުވުމަށް ވެސް ތައްޔާރުވަމުންނެވެ. މި ޝޯރޫމުން އިލެކްޓްރޯނިކްސް އާއި ފަރުނީޗަރާއި ބަދިގެ ސާމާނު އަދި ގޭތެރެއަށް ބޭނުންވާ ސާމާނުގެ އެތައް ބާވަތެއް ލިބިގެންދާނެ ކަމަށް އެ ފިހާރައިން ބުންޏެވެ.