މަނާ ގަޑީ ބޭރުގައި އުޅޭ ނަމަ ވަގުތުން ޖޫރިމަނާކުރާނެ!

މަނާ ގަޑީ ބޭރުގައި އުޅޭ ނަމަ އިންޒާރަކާ ނުލައި ޖޫރިމަނާކުރާނަން: ފުލުހުން

28 ޖެނުއަރީ 2021

ކޮވިޑް-19 ގެ ކޭސްތައް އަނެއްކާވެސް އިތުރުވާން ފެށުމާ އެކު އަލުން އަމަލުކުރަން ފަށާ ކާފިއުއާ ހިލާފުވާ ނަމަ އިތުރު އިންޒާރެއް ދިނުމަކާ ނުލައި ވަގުތުން ޖޫރިމަނާކުރާނެ ކަމަށް ފުލުހުން މިރޭ ބުނެފި އެވެ.

ލަމްޔާ އަބްދުﷲ

އެޗްޕީއޭ އިން ވަނީ މާލެ ސަރަހައްދުގައި ދަންވަރު 12:00 އާއި ފަތިހު 4:00 އާ ދެމެދުގައި ބޭރަށް ނުކުމެ އުޅުން މަނާކޮށްފަ އެވެ. އަދި އެއްވުންތަކާއި ހަފްލާތައް ބޭއްވުމަށް ދިން ހުއްދަ ވެސް ބާތިލްކޮށް ފިޔަވަޅުތައް ވަނީ ހަރުކަށިކޮށްފަ އެވެ.

Under new restrictions imposed by HPA on 27th January, Police will be enforcing Curfew hours from 12am to 4am.
Wearing masks? is compulsory and will be fined without caution⚠️.Please adhere to HPA guidelines and #PreventTheSpread #BreakTheChain @HPA_MV @MaleCitymv @hdcmaldives pic.twitter.com/ebeZsRtm4a
— Maldives Police (@PoliceMv) January 28, 2021

ކާފިއުއާ އެއްގޮތަށް އަމަލުކުރަން އަންގަން ފުލުހުން ކުރި ޓްވީޓެއް

ފުލުހުން ކުރި ޓްވީޓެއްގައި ބުނީ ކާފިއު ތަންފީޒު ކުރާނެ ކަމަށާއި އަސާސީ ބޭނުމެއްގައި ނޫނީ އެ ވަގުތު ބޭރަށް ނުނިކުމެވޭނެ ކަމަށެވެ. ކާފިއުއާ ހިލާފަށް ނިކުމެ އުޅޭ ނަމަ އަދި މާސްކް ނާޅައި އުޅޭ ނަމަ ވަގުތުން ޖޫރިމަނާ ކުރާނެ ކަމަށް ފުލުހުން ބުންޏެވެ.

މީގެ ކުރިން ކާފިއު އިއުލާންކޮށްފައި އޮތް އިރު، ގަވާއިދާ ހިލާފަށް ބޭރުގައި އުޅުނު މީހުން ޖޫރިމަނާ ކުރުމުގެ ކުރިން ނަސޭހަތް ދިނެވެ. ޖޫރިމަނާ ކުރީ ތަކުރާރުކޮށް ގަވާއިދާ ހިލާފަށް އަމަލުކުރި މީހުންނެވެ.

Male sarahahdhugai haflaa adhi rasmiyyaathu beyvvun manaa koffi

The most trusted news source in the Maldives

Mihaaru

ކޮވިޑް-19 ކޮންޓްރޯލްކުރުމަށް އިއުލާން ކޮށްފައިވާ ސިއްހީ ކުއްލި ނުރައްކަލުގެ ހާލަތުގެ ދަށުން ކާފިއު ގަޑީގައި ހުއްދަ ނެތި ބޭރަށް ނުކުންނަ މީހުން ޖޫރިމަނާކުރަނީ އާންމު ސިއްހަތު ރައްކާތެރި ކުރުމުގެ ގާނޫނުގެ ދަށުން 1،000 ރުފިޔާ އިންނެވެ.

Comments