ރިސޯޓެއްގައި ކަރަންޓުގައި ޖެހިގެން ސްރީ ލަންކާ މީހަކު މަރުވެއްޖެ

އަދާރަން ރަންނާޅި ރިސޯޓުގައި އިއްޔެ ކަރަންޓުގައި ޖެހިގެން ސްރީ ލަންކާ ފިރިހެނަކު މަރުވެއްޖެ އެވެ.

މިކަން ފުލުހުންނަށް ހުށަހަޅާފައި ވަނީ ރޭ 8:00 ހާއިރު ކަމަށް ފުލުހުން ބުންޏެވެ. ފުލުހުން ބުނީ ހާދިސާ ހިނގީ އިއްޔެ ހަވީރު 6:30 ހާއިރު ކަމަށާއި އެ ފިރިހެން މީހާ ކަރަންޓުގައި ޖެހުމުން ކ. މާފުށީ ސިއްހީ މަރުކަޒަށް ގެންދިޔަ ކަމަށެވެ.

"މި މައްސަލައާ ގުޅިގެން ބަލަން ޖެހޭ ކަންތައްތައް ފުލުހުން ދަނީ ބަލަމުން،" އެެ އިދާރާ އިން ބުންޏެވެ.

އެނގިފައިވާ ގޮތުގައި، އެ ހާދިސާގައި މަރުވެފައި ވަނީ އެ ރިސޯޓުގެ މުވައްޒަފެކެވެ. ނަމަވެސް މިކަމާ ގުޅޭ އިތުރު މައުލޫމާތެއް ރިސޯޓުން އަދި މާފުށީ ސިއްހީ މަރުކަޒުން ވެސް ހާމައެއް ނުކުރެ އެވެ.