އިކިއާ އިން ރާއްޖޭގެ ވާޗުއަލް ދަތުރެއް

17 އޯގަސްޓް 2020

ކޮވިޑް-19 ގެ މި ދަތި ހާލުގެ ތެރޭގައި ޗުއްޓީ ދަތުރަތަކަށް ދިއުމަކީ އެހާ ފަސޭހަ ކަމަކަށް ނުވާނެ އެވެ. އެކަމަކު ކޮންމެވެސް ދިމާލަކަށް ހިތްއުފާކޮށްލަން ދަތުރެއް ޕްލޭންކުރަން އުޅޭ ނަމަ މިކަމާ ދޭތެރޭ ވިސްނައިލާށެވެ.

އަހުމަދު އަދްޝަން

މިއީ "ވެކޭޝަން އިން އަ ބޮކްސް" އެވެ. އޮންލައިންކޮށް މި ފުރުސަތު ހޯދިދާނެ އެވެ. ހަތަރު މަންޒިލެއް އެބައޮތެވެ. އެއީ ޓޫރިޒަމަށް މުޅި ދުނިޔޭގައި ވެސް މަޝްހޫރު ދިވެހިރާއްޖެއާ އެކު ފްރާންސްގެ ޕެރިހާއި ޖަޕާނުގެ ޓޯކިއޯ އާއި ތުރުކީގެ ކަޕަޑޯޝިއާ އެވެ. މި ފުރުސަތު ދެނީ ސްވިޑްންގެ މަޝްހޫރު ފަރުނީޗަރު ކުންފުނި އިކިއާއިންނެވެ.

"ވެކޭޝަންސް އިން އަ ބޮކްސް" ގައި ވާ ގޮތަކީ ދީފައިވާ ހަތަރު މަންޒިލަކަށް "ވާޗުއަލް" ދަތުރެއް ކުރެވުމެވެ.

View this post on Instagram

Don’t let anyone beat you to the Maldives this summer. Bring it to your backyard with our Vacation boxes available for a limited time only. #IKEAVacations

A post shared by IKEA UAE (@ikeauae) on Aug 3, 2020 at 6:33am PDT

ކުރަން ޖެހޭ ކަމަކީ ހަތަރު މަންޒިލަށް ހާއްސަ ސިފަތާއި އެތަންތަން ރަމްޒުކޮށްދޭ ކަންކަން ހިމަނައިގެން އެ މީހަކު ގަޔާވާ ކަހަލަ ގޮތަކަށް ދަތުރެއް ޕްލޭންކޮށްލަންވީ އެވެ. އިކިއާ އިން އޭރުން އެ ރަހަތަކާ އެކު އެ މީހެއްގެ ވާޗުއަލް ދަތުރު ހާއްސަކޮށްދޭނެ އެވެ. އަދި އިކިއާ އިން ހަދިޔާކުރާ ގިފްޓް ކާޑެއް ވެސް ހޯދުމުގެ ފުރުސަތު ލިބޭނެ އެވެ.

މިއީ ބައިވެރިޔާ ނުވަތަ އާއިލާ އާއި ކުދިންނަށް ވެސް ހާއްސަ ކުރެވިދާނެ އެއްޗެކެވެ. ކޮވިޑާ ހެދި އަބަދު ވެސް ގޭގައި ތިބެގެން އެއްގޯސްވެފައިވާ ނަމަ މީގައި ހިއްސާލެވުލުމަކީ ހިތަށް ކޮންމެވެސް ވަރެއްގެ ހަމަޖެހުމަކަށް ވެދާނެ އެވެ. އިކިއާގެ ވެބްސައިޓުން މިއާ ބެހޭ އިތުރު މައުލޫމާތު ލިބޭނެ އެވެ.

IKEA UAE - Vacations in a box

Now you can create scene from Paris, Cappadocia, Maldives, Tokyo and more right in your living room. Our kits come with furniture, accessories, recipes and playlist recommendations. We'll provide the setting and the mood. Just add the holiday spirit

Comments