މިހާރު ސްޓައިލް: ތަފާތު ގޮތަކަށް ސްޓައިލް ކޮށްލަމާ!

އަތްދަބަސް އަދި ބޫޓުގެ ކުލަ އެއް ގޮތް ވާކަށް ނުޖެހެ އެވެ. އޮފީހަށް ދާއިރު ގަދަ ކުލައެއްގެ ލިޕްސްޓިކެއް ޖައްސަން ވާނެ ހެއްޔެވެ؟ އެކި ވައްތަރުގެ ގަދަ ކުލައިން ހެދުމާއި އެކްސެސަރީޒް ގުޅުވާލައިގެން ލީމާ ހުތުރު ވާނެ އެވެ. މިއީ އިހުގެ ސްޓައިލް ގަވައިދުތަކެކެވެ.

ފަހުގެ ފެޝަން އާއި ސްޓައިލަކީ އަމިއްލަ ވަންތަ އަދި ނަލަ ޒާތަކަށް ހެދުމާއި އެކްސެސަރީޒް ސްޓައިލް ކޮށްލުމެވެ. އިހުގެ ސްޓައިލް ގަވައިދުތައް ޒަމާނީ އާ ގޮތަކަށް ބަދަލު ކޮށްލުމެވެ.

"މިހާރު ސްޓައިލް"ގެ މިފަހަރުރެ އެޕިސޯޑުގައި ހެދުމާއި އެކްސެސަރީޒް ގުޅުވާލެވޭނެ އާ ގޮތްތަކެއް ފެންނާނެ އެވެ. ވީޑިއޯގައި މޮޑެލް ކޮށްފައިވަނީ ސަމާ އެވެ. މޭކަޕް ކުރީ އައިޝަތް ދީމާ އެވެ. ސްޓައިލްކޮށްފައި ވަނީ މުނާލް ޝުޖާއު އެވެ.