ދޮގު ޚަބަރަކާ ހެދި އަކްޝޭ ނޫހަކަށް ދައުވާކޮށްފާނެ

ދޮގު ޚަބަރެއް ފަތުރާފައިވާތީ އަކްޝޭ ކުމާރު ނޫހަކަށް ދައުވާކޮށްފާނެ

02 ޖޫން 2020

ނިއު ދިއްލީގައި ދިރިއުޅޭ އަކްޝޭ ކުމާރުގެ ދައްތަ އާއި އޭނާގެ ކުދިން މުމްބާއީ އަށް ގެންދަން އަކްޝޭ ކުމާރު ފްލައިޓެއް ޗާޓަރުކުރަން އުޅޭ ކަމަށް ބުނެ މީޑިއާއަކުން ފެތުރި ވާހަކައެއް، ދޮގުކޮށް، އެކަމާ ގުޅިގެން ދައުވާކޮށްފާނެކަމުގެ އިންޒާރު ދީފި އެވެ.

އަހުމަދު އަދްޝަން

އެ ވާހަކަ ގެނެސްދީފައި ވަނީ އިންޑިއާ ފޯރަމްސް ކިޔާ އޮންލައިން ނޫހަކުންނެވެ. އޭގައި ބުނެފައި ވަނީ އިންޑިއާގައި ލޮކްޑައުން އިއުލާންކޮށްފައި އޮންނަތާ ތިން މަހަށް ވުރެ ގިނަ ދުވަސްވެފައިވާ އިރު އެތައް ބަޔަކު ތިބީ އެއް ތަނުން އަނެއް ތަނަށް ދަތުރުކުރެވޭނެ ގޮތެއް ނެތި ވަރަށް ހާލުގައި ކަމަށެވެ. ނަމަވެސް އަކްޝޭ އޭނާގެ ދައްތަ އާއި ދެ ކުދިން މުމްބާއީ އަށް ގެންދަން ފްލައިޓެއް ޗާޓަރުކޮށްފައިވާ ބުންޏެވެ.

This news about me booking a charter flight for my sister and her two kids is FAKE from start to end.She has not travelled anywhere since the lockdown and she has only one child!Contemplating legal action,enough of putting up with false, concocted reports! https://t.co/iViBGW5cmE
— Akshay Kumar (@akshaykumar) May 31, 2020

މިހާރު ސައިޓުން ނަގާފައިވާ ޚަބަރުގެ ލިންކަކާ އެކު އަކްޝޭ ޓްވިޓާގައި ބުނީ އެ ވާހަކައިގައި އެއްވެސް ހަގީގަތެއް ނެތް ކަމަށެވެ. އަދި ލޮކްޑައުން އިއުލާންކުރި ފަހުން ދައްތަ އެއްވެސް ތަނަކަށް ދަތުރުނުކުރާ ކަމަަށާއި އޭނާގެ ހުންނަނީ ވެސް އެންމެ ދަރިއެއް ކަމަށް ބުންޏެވެ.

"އެހެންވެ އަހަރެން އާއިލާގެ ބަޔަކު ދަތުރުކުރަން ފްލައިޓެއް ޗާޓަރުކުރި ކަމަށް ބުނާ ވާހަކަ އަކީ ހަމަ ފޭކް ވާހަކައެއް،" އަކްޝޭ ބުންޏެވެ. "ދޮގު ޚަބަރު ފަތުރާފައިވާތީ މިކަމާ ގުޅިގެން ގާނޫނީ ފިޔަޅު އެޅުމާ ދޭތެރޭ އެބަ ވިސްނަން."

ކޮރޯނާވައިރަހާ ހެދި މާޗް މަހުގެ 25 ގައި އިންޑިއާގައި އިއުލާންކުރި ލޮކްޑައުން އަށް ދޭން ފަށާފައިވާ ލުއިތަކާ އެކު ހާއްސަ ފިޔަވަޅުތަކާ އެކު އެތެރޭގެ އުދުހުންތަކުގެ ހިދުމަތް މިދިޔަ މަހުގެ 25 ގައި ވަނީ ފަށައިފަ އެވެ.

Comments