ގޮއިދޫގެ ދަނޑެއް ކޮށާލައިފި

20 އެޕްރީލް 2020

ބ. ގޮއިދޫގައި ދަނޑުވެރިއަކު ހައްދާފައިވާ ފާގަ އާއި ޗިޗަންޑާ ދަނޑަކަށް ގެއްލުންދިން މައްސަލަ ފުލުހުން ބަލަން ފަށައިފި އެވެ.

އަހުމަދު ސާއިލް އަލީ

އެ ދަނޑުގައި ޗިޗަންޑާ އާއި ފާގަ ގިނަ އަދަދަކަށް އަޅާފައިވަނިކޮށް ރޭ ވަނީ އެ ތަކެއްޗާ އެކު، ވެޔޮ ވެސް ކޮށާލައިފަ އެވެ.

ކޮވިޑް-19 އާ ގުޅިގެން ލޮކްޑައުން ކޮށްފައިވާނިކޮށް ހިންގާފައިވާ އެ އަމަލު ކުށްވެރިކޮށް ފުލުހުން މިއަދު ކުރި ޓްވީޓެއްގައި ބުނީ އެ މައްސަލަ ތަހުގީގު ކުރަމުން އަންނަ ކަމަށެވެ.

When most of the world is in #lockdown due to #COVID19 and Ramazan also about to start, some individual(s) have destroyed a vegetable farm in B.Goidhoo by slicing the ripe vegetables in halves and destroying the plants too! The case is under investigation.#COVID19Maldives pic.twitter.com/5boVTejM0B
— Maldives Police (@PoliceMv) April 20, 2020

ފުލުހުންގެ ޓްވީޓް--

ގޮއިދޫ ކައުންސިލްގެ ރައީސް މުހައްމަދު އާމިރު ވިދާޅުވިގޮތުގައި އެ ރަށުގައި ގިނަ ދަނޑުތަކެއް ހައްދާފައިވާއިރު ގެއްލުންދީފައިވަނީ އެ ދަނޑަށް އެކަންޏެވެ. އަދި އެއީ ކީއްވެ ކުރި ކަމެއްކަން ބުނަން ނޭނގޭ ކަމަށް ވެސް އޭނާ ވިދާޅުވި އެވެ.

އެ މައްސަލައާ ގުޅިގެން މިހާތަނަށް މީހަކު ހައްޔަރު ކޮށްފައެއް ނުވެ އެވެ.

އެހެން އަހަރުތަކެކޭ އެއްގޮތަށް މި އަހަރުވެސް ރޯދަ މަހާ ދިމާކޮށް ދަނޑުވެރިން އަންނަނީ ގިނަ ތަކެތި ހައްދަމުންނެވެ. ކޮވިޑް-19 އާ ގުޅިގެން އެ ތަކެތި މާލޭ ބާޒާރަށް ގެނައުމުގައި ދަތިތަކާ ކުރިމަތިވެދާނެ ކަމުގެ ބިރު ހީވެފައި ވަނިކޮށް ސަރުކާރުން އަންނަނީ އެ ތަކެތި ގަނޑުކޮށް ގަތުމަށް ތައްޔާރުވަމުންނެވެ.

Comments