28 އޮކްޓޯބަރ 2019
ސިނަމާލެ ބްރިޖް ކައިރިން، އަޑި ޕާކް ސަރަހައްދުގައި މާލޭ ސިޓީ ކައުންސިލުން މިހާރު ހަދަމުން އަންނަ އިމާރާތުގެ މަސައްކަތް އަމީން ކޮންސްޓްްރަކްޝަނުން ކުރަނީ އެއްވެސް އެއްބަސްވުމަކާ ނުލައި، ރަސްމީކޮށް އެ މަސައްކަތް ހަވާލު ވެސް ނުކުރަނީސް ކަަމަށް ސިޓީ ކައުންސިލްގެ މެމްބަރަކު ތުހުމަތު ކުރައްވައިފި އެވެ.
މުހައްމަދު ނަސީމް
ސިނަމާލެ ބްރިޖް ކައިރިން، އަޑި ޕާކް ސަރަހައްދުގައި މާލޭ ސިޓީ ކައުންސިލުން މިހާރު ހަދަމުން އަންނަ އިމާރާތުގެ މަސައްކަތް އަމީން ކޮންސްޓްްރަކްޝަނުން ކުރަނީ އެއްވެސް އެއްބަސްވުމަކާ ނުލައި، ރަސްމީކޮށް އެ މަސައްކަތް ހަވާލު ވެސް ނުކުރަނީސް ކަަމަށް ސިޓީ ކައުންސިލްގެ މެމްބަރަކު ތުހުމަތު ކުރައްވައިފި އެވެ.
މާލޭ ސިޓީ ކައުންސިލްގެ މާފަންނު އުތުރު ދާއިރާގެ އެމްޑީޕީގެ މެމްބަރު މުހައްމަދު ފަޒީން "މިހާރު" އަށް މިއަދު ވިދާޅުވީ އަޑި ޕާކްގައި ފާހާނާ ބަރިއެއް ހެދުމުގެ މަސައްކަތް ކުރަން ނިންމާފައި އޮތީ ރައީސް އޮފީހުން ދިން ހާއްސަ ބަޖެޓަކުން ކަމަށާއި އެ ޕާކް ތަރައްގީ ކުރަން އެ އޮޮފީހުން ދޭ ފައިސާ ހަރަދުކުރާނެ ގޮތް ކައުންސިލުން އަދި ފާސް ވެސް ކޮށްފައި ނުވާ ކަަމަށެވެ.
ފަޒީން ވިދާޅުވި ގޮތުގައި އަޑި ޕާކްގައި ހަދާ އިމާރާތުގެ މަަސައްކަތުގެ އަގު 35،000ރ. އަށް ވުރެ ބޮޑުވާނެތީ، އެއީ ބިޑަށް ހުޅުވާލައިގެން ކުރަން ޖެހޭ ކަމެއް ކަމަށް ނިންމައި ބިޑް ކޮމިޓީ އަށް އެކަން ވަނީ ހުށަހަޅައިފަ އެވެ. އެކަމަކު، ބިޑް ކޮމިޓީން އެ މަސައްކަތް އަދި އޮތީ ބަޔަކާ ހަވާލު ނުކޮށެވެ.
އޭނާ ވިދާޅުވީ އަމިން ކޮންސްޓްރަކްޝަނުން އެ މަސައްކަތް ކުރަމުން އެދަނީ އެއްވެސް އެއްބަސްވުމެއްގެ ދަށުން ވެސް ނޫން ކަމަށާއި ނަމަވެސް މަސައްކަތުގެ އަގަށްވާ ފައިސާ ހޯދަން އެ ކުންފުނިން މިހާރު ހުށަހަޅާފައިވާ ކަމަށެވެ.
Mibalanee avaha iulaanu kureveytho. Vee enme avahaka mauloomaathu dhee kaamiyaabu kuraabayakah masakai havaalu kureveytho.
— Fazeen ?? (@fazeen2457) October 27, 2019
Ekamu mihaaru mioh masakai ninmanee!
Mivaruveemaves balan hunnanvee?@ACC_Maldives https://t.co/dXxlN2EQMC
އަޑިޕާކްގައި ހަދާ އިމާރާތުގެ މަސައްކަތް ގޮސްފައިވާ ގޮތުގެ ވާހަކަ މީޑިއާ އަށް ހާމަ ކުރެއްވުމުން ކައުންސިލްގެ އިސް ބޭފުޅަކު އިންޒާރު ދެއްވި ކަމުގެ ތުހުމަތެއް ވެސް ފަޒީން ކުރެއްވި އެވެ.
މާލޭގެ މޭޔަރު ޝިފާ މުހައްމަދަށް އެ މަަސަައްކަތާ ބެހޭ ގޮތުން ސުވާލު ދެންނެވުމުން ވިދާޅުވީ، "ލޮނުޒިޔާރަތްކޮޅު [ތަރައްގީކުރަން] ގިނަ ސްޕޮންސާތަކެއް ލިބިފައިވާ" ކަމަށެވެ. އިތުރު ތަފްސީލެއް ނުދެއްވަ އެވެ.
ފަޒީން ކުރައްވާ ތުހުމަތާ ބެހޭ ގޮތުން ޝިފާ ވިދާޅުވީ "ފަޒީން ވަގު ބަދުނާމު ނާޅުވާ އެއްވެސް މުވައްޒަފަކު ކައުސިލްގައި ނެތް" ކަމަށެވެ.
"ކޮރަޕްޝަން ފޮރުވަން ލިޔެކިޔުމަށް ބަދަލު އެބަގެނޭ"
ކަންކަން ނުފެންނަ ކަމަށް ހެދި ނަމަ ރަނގަޅުވީސް: ޝިފާ
އޭސީސީން މާލޭ ސިޓީ ކައުންސިލް އިދާރާ އަށް ވަދެއްޖެ
އުޅެނީ އަގުވައްޓާލަން، ކޮރަޕްޝަނެއް ނުހިންގަން: ޝިފާ
އަކްރަމް ބަލިކޮށް މާލޭގެ އެމްޑީޕީގެ ރައީސްކަން ޝިފާއަށް
އާ ކައުންސިލަރުންނަށް ސިޓީ ކައުންސިލްގެ ތައާރަފެއް
މާލޭގެ މަގުތައް ހެދުމުގެ ދެވަނަ ފިޔަވަހި ފަށަނީ
ޕާކުގެ މައްސަލައިގައި ޝިފާއަށް ކޮރަޕްޝަންގެ ދައުވާ
ފުލުހުން ބިޒްނަސް ޕާމިޓް ދޫކުރަން ފެށުން މައްސަލައަކަށް
ގަވާއިދާ ހިލާފު ބިދޭސީންނަށް ދެން މަސައްކަތް ނުކުރެވޭނެ
