ޕާކިން ޖޫރިމަނާތަކަށް ހައްލެއް ހޯދައިދެނީ

ގަވާއިދާ ޚިލާފަށް ޕާކް ކުރުމުގެ ޖޫރިމަނާތަކަށް ހައްލެއް ހޯދައިދޭނީ

25 ޖޫން 2018

ގަވާއިދާ ޚިލާފަށް ވެހިކަލް ޕާކް ކުރުމުން ކުރާ ޖޫރިމަނާތަކަށް ހައްލެއް ހޯދައި ދެއްވަން ރައީސް އަބްދުﷲ ޔާމީން ނިންމަވާފައިވާ ކަމަށް ޕީޕީއެމް ޕާލިމެންޓްރީ ގްރޫޕްގެ ލީޑަރު އަހުމަދު ނިހާން މިރޭ ވިދާޅުވެއްޖެ އެވެ.

މުއިއްޒު އިބްރާހިމް

ނިހާން މިރޭ ކުރެއްވި ޓްވީޓެއްގައި ވިދާޅުވީ މާލޭގައި ތަރައްގީގެ މަޝްރޫއުތައް ހިނގަމުންދާތީ ޓްރެފިކަށް ދަތިވެ، ގަވާއިދާ ޚިލާފަށް ޕާކް ކުރުމުން ޖަހާ ޖޫރިމަނާ ސްޓިކާގެ ސަބަބުން ޒުވާނުންނަށް ގެއްލުންވާ ކަމަށެވެ. އަދި ގެއްލުންތައް ހައްލުކޮށް ދެއްވަން ރައީސް ޔާމީން ނިންމަވާފައިވާ ކަމަށް ނިހާނު ވިދާޅުވި އެވެ. އެކަމަކު އޭގެ ތަފްސީލެއް ނިހާން އަދި ހާމައެއް ނުކުރައްވަ އެވެ.

Mulhi Male’ gai tharahgeege Mashroou thah hingamun dhaa thee Traffic Violation Sticker jehumun Zuvaanunnah vamundhaa gellun thakah Halleh Hoadhavan Raees Yamin Nimmavaifi.
— Ahmed Nihan (@ahmed_nihan) June 25, 2018

ނިހާންގެ ޓްވީޓް

މީގެކުރިން ވެސް 2015 ގައި ސަރުކާރުން ވަނީ ޓްރެފިކް ވަޔަލޭޝަން ޖޫރިމަނާތައް މައާފުކޮށްދީފަ އެވެ. އޭރު އެއްގަމު ދަތުރުފަތުރުގެ ގާނޫނަށް ގެނައި އިސްލާހެއްގެ ދަށުން، ކުރިން ކޮށްފައި ހުރި ޖޫރިމަނާތަކުގެ ތެރެއިން ދައުލަތަށް ނުދައްކާ ހުރި ހުރިހާ ޖޫރިމަނާތަކެއް މައާފް ކޮށްދިނެވެ. އޭގެ ތެރޭގައި ގަވާއިދާ ޚިލާފަށް ޕާކް ކޮށްގެން ކޮށްފައި ހުރި ޖޫރިމަނާތައް ވެސް ހިމެނެ އެވެ.

Comments