ކުރީގެ ޕީޖީ މުހުތާޒުގެ ހާލު ރަނގަޅު، އަދިވެސް ހޮސްޕިޓަލުގައި

ދިގު މުއްދަތެއްގެ ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ޕްރޮސެކިއުޓާ ޖެނެރަލް (ޕީޖީ) މުހުތާޒު މުހުސިން އަށް އޭޑީކޭ ހޮސްޕިޓަލުގައި ފަރުވާދެމުން އަންނައިރު، އޭނާގެ ހާލު ރަނގަޅު ކަމަށް މޯލްޑިވްސް ކަރެކްޝަނަލް ސާވިސް އިން މިއަދު ބުނެފި އެވެ.

އެ އިދާރާގެ މީޑިއާ އޮފިޝަލް އަހުމަދު ލުގުމާން ވިދާޅުވީ މިދިޔަ ހޮނިހިރު ދުވަހު އޭޑީކޭގައި އެޑްމިޓް ކުރި މުހުތާޒަށް މިހާރު އިންޖެކްޝަނެއް ޖަހާފައިވާ ކަމަށެވެ. ލުގްމާނަށް އެޑްމިޓްކޮށްގެން ފަރުވާ ދެނީ ޑޮކްޓަރުން ދިން ލަފައަކާ ގުޅިގެން ކަމަށް ވެސް އޭނާ ވިދާޅުވި އެވެ.

އެކަމަކު އެކަމާ ގުޅޭ އެއްވެސް ތަފްސީލެއް ލުގްމާން ނުދެއްވަ އެވެ.

"ދެ ދުވަހެއްގެ ފަހުން ހޮސްޕިޓަލުން ދޫކޮށްލާނެ ކަމަށް ބެލެވޭ،" އޭނާ ވިދާޅުވި އެވެ.

ރައީސް އަބްދުﷲ ޔާމީން ހައްޔަރުކުރަން ސައްހަ ނޫން ކޯޓު އަމުރެއް ހެދި މައްސަލައިގައި 17 އަހަރުގެ ޖަލު ހުކުމެއް ތަންފީޒު ކުރަމުން އަންނަ މުހުތާޒު އެޑްމިޓްކުރީ މައިބަދައިގެ މައްސަލައަކަށް ފަރުވާ ހޯދުމަށެވެ.

މިދިޔަ އަހަރުގެ ޖޫން މަހު ހުކުމް ކުރި ފަހުން މައިބަދައިގެ މައްސަލަ އަށް މީގެ ކުރިން ވެސް މުހުތާޒު ވަނީ ފަރުވާ ހޯއްދަވައިފަ އެވެ.