މި އަހަރު ވެސް އީދު ނަމާދު މިސްކިތްތަކާއި ބޮޑު ޖަމާއަތުގައި

މާލެ ސަރަހައްދުގައި މި އަހަރުގެ ފިތުރު އީދު ނަމާދު ބޮޑު ޖަމާއަތުގައި ކުރުން އޮންނާނެ ކަމަށް އިސްލާމިކް މިނިސްޓްރީން މިއަދު ބުނެފި އެވެ.

އެ މިނިސްޓްރީން ބުނީ މާލެ އާއި ހުޅުމާލެ އަދި ވިލިމާލޭގައި އީދު ނަމާދުކުރުން ބޮޑު ޖަމާއަތުގައި އަދި މިސްކިތަކުގައި ވެސް އޮންނާނެ ކަމަށެވެ.

މާލޭގައި ބޮޑު ޖަމާއަތުގައި ނަމާދުކުރާނީ މާފަންނަނު ސްޓޭޑިއަމްގަ އެވެ. ހުޅުމާލޭގައި ބޮޑު ޖަމާއަތުގައި ނަމާދުކުރުން އޮންނާނީ ސިންތެޓިކް ޓްރެކާއި ކުރިކެޓް ސްޓޭޑިއަމްގަ އެވެ. ވިލިމާލޭގައި ބޮޑު ޖަމާއަތް އޮންނާނީ ބޯޅަދަނޑުގައި ކަމަށް އިސްލާމިކް މިނިސްޓްރީން ބުންޏެވެެ.

މާލޭގައި އީދު ނަމާދު ކުރާ މިސްކިތްތައް:

1. އިސްލާމީ މަރުކަޒު

2. މަސްޖިދުލްމަލިކި ސަލްމާން (ސަލްމާން މިސްކިތް)

3. މަސްޖިދުލްފުރުގާން

4. މަސްޖިދުއްނޫރު

5. މަސްޖިދުއް ޝަހީދު އަލީ

6. ތައިބާ މިސްކިތް

7. ދުނބުރި މިސްކިތް

8. ފަނޑިޔާރު މިސްކިތް

9. ބަންޑާރަ މިސްކިތް

10. ސަލާހުއްދީން މިސްކިތް

11. ޖަލާލުއްދީން މިސްކިތް

12. އިބްރާހިމް މިސްކިތް

13. އިސްކަންދަރު މިސްކިތް

14. ވަގުތީ މިސްކިތް ( ބޮޑުގެ )

15. ރަން މިސްކިތް

16. ފައިފުހޭ މިސްކިތް

17. މާފަންނު އާމިސްކިތް

ވިލިމާލެ އަދި ހުޅުމާލޭގައި އީދު ނަމާދު ކުރާނެ މިސްކިތްތައް

1. މަސްޖިދުއްސަލާމް (ވިލިނގިލި)

2. މަސްޖިދުއްޝައިހް ގާސިމް ބިން މުހައްމަދު އާލް ޘާނީ (ހުޅުމާލެ ފޭސް 1)

3. މަސްޖިދު ރަޝީދު (ހުޅުމާލެ ފޭސް 1)

4. މަސްޖިދު އަޒީޒާ މޫސާ (ހުޅުމާލެ ފޭސް 1)

5. މަސްޖިދު ހަސަން އާދަމް (ހުޅުމާލެ ފޭސް 2)

6. މަސްޖިދު އަބީބަކުރިނިއްސިއްދީގު (ފޭސް 2 ހުޅުމާލެ)

މިނިސްޓްރީން ބުނީ ބޮޑު ޖަމާއަތުގައި އީދު ނަމާދު ކުރާނެ ތަންތަން ހަމަޖައްސާފައިވާ ނަމަވެސް ވިއްސާރަވުމުގެ ސަބަބުން ކެންސަލްވެއްޖެ ނަމަ ނަމާދު ކުރާނީ މާލެ ސަރަހްދުގައި ހުކުރު ނަމާދުކުރާ ހުރިހާ މިސްކިތެއްގައި ކަމަށެވެ.

ނަމާދަށް ދާއިރު ސަމާލުކަން ދޭންޖެހޭ ކަންކަން މިނިސްޓްރީން އަބަދުވެސް ހަނދާން ކޮށްދެ އެވެ. އޭގެ ތެރޭގައި ގެއިން ވުޟޫކޮށްގެން ދިއުމަށާއި އަމިއްލަ މުސައްލަ އާއި ފެންފުޅި ގެންދިއުމަށް ސަމާލުވުން ހިމެނެ އެވެ.

ކަލަންޑަރުގައިވާ ގޮތުން މި އަހަރުގެ ފިތުރު އީދު ދުވަހަށް ވަނީ މި މަހުގެ 31 އެވެ.