ސުންނަތް ނަމާދުތަކަށް ފަރުވާކުޑަކުރެވޭ ނަމަ އެންމެ ރަނގަޅީ މިސްކިތަށް ދިއުން

މިއީ ރޯދަމަހުގެ ބަރަކާތާއި ސަވާބުގެ އެންމެ މުހިންމު ދުވަސްވަރު ކަމަށް ވާތީ ގިނަ ބަޔަކު އެންމެ ބޮޑު އިސްކަމެއް ދޭ އެއް ނަމާދަކީ ދަމުނަމާދެވެ. ހާއްސަކޮށް މިސްކިތަށް ގިނަ ބަޔަކު ދާއިރު އެއީ އޭގެ ރަނގަޅު ގޮތަކީ ކޮބައިކަމާ މެދު ބައެއް މީހުން ސުވާލު އުފައްދަ އެވެ.

ޝައިހު އާޒިމް ޚާލިދު ވިދާޅުވީ، ފަރުޟު ނަމާދުތައް ފިޔަވައި ހުރިހާ ސުންނަތް ނަމާދުތައް ކީރިތި ރަސޫލާ ކުރެއްވީ އެކަލޭގެފާނުގެ ގެކޮޅުގައި ކަމަށެވެ. އެކަމަކު އިލްމުވެރިން ފާހަގަކުރައްވަނީ ގެއަށް ގޮސް ސުންނަތް ނަމާދުތައް ކުރަން ފަސްކުރުމުން އެ ނަމާދުތަކާ މެދު އިހުމާލުވެވޭ ކަމަށެވެ. އެހެންވެ، އެ ހާލަތުގައި މިސްކިތުގައި ސުންނަތް ނަމާދު ކުރުން އިހުތިޔާރު ކުރުން މައްސަލައެއް ނޫން ކަމަށް އެ ބޭފުޅުން ވިދާޅުވެ އެވެ. އެހެންވެ، ދަމުނަމާދަށް ވެސް އޮތީ އެ ހާލަތު ކަމަށް ޝައިހު ވިދާޅުވި އެވެ.