Roadha Mihaaru

އިތުރު ދަރުމަ އާއި ސަވާބު ހޯދުމަށް ކޮންމެ ރެއަކު ދަމުނަމާދު ކުރަންޖެހޭ

ކޮންމެ ރޯދަމަހެއްގައި ވެސް އެންމެ ގިނަ ބަޔަކު އެންމެ އިސްކަންދޭ އެއް އަޅުކަމަކީ ދަމުނަމާދު ކުރުމަށެވެ. އެހެންވެ، ރޯދަމަހުގެ ފަހު 10 ގެ ދަންވަރު މިސްކިތްތައް ފުރާލަނީ ދަމުނަމާދުގެ ސަވާބަށް އެދި ކެތްމަދުވެފައިވާ މީހުންގެ ޖަމާއަތްތަކުންނެވެ.

ކޮންމެ ރޯދަމަހެއްގައި ވެސް އެންމެ ގިނަ ބަޔަކު އެންމެ އިސްކަންދޭ އެއް އަޅުކަމަކީ ދަމުނަމާދު ކުރުމަށެވެ. އެހެންވެ، ރޯދަމަހުގެ ފަހު 10 ގެ ދަންވަރު މިސްކިތްތައް ފުރާލަނީ ދަމުނަމާދުގެ ސަވާބަށް އެދި ކެތްމަދުވެފައިވާ މީހުންގެ ޖަމާއަތްތަކުންނެވެ.

ނަމަވެސް އަހަރެމެންނަށް އެނގެންވީ ރޯދަމަސް ނޫނަސް އެހެން ދުވަސްތަކުގައި ވެސް ދަމުނަމާދު ކުރުމަކީ ﷲ ގެ ދަރުމަ އާއި ސަވާބު އިންތިހާ އަށް އިތުރުވާނެ ކަމެއް ކަމެވެ.

ފަތިސް ނަމާދުގެ ބަންގި ގޮވުމުގެ ކުރިން ދަންވަރުގެ ކޮންމެ ވަގުތެއްގައި ވެސް ދަމުނަމާދު ކުރެވިދާނެ އެވެ. ޝައިހު އާޒިމް ޚާލިދު ވިދާޅުވިގޮތުގައި، ދަމުނަމާދު ކުރުން އެންމެ ރަނގަޅީ ވެސް ދަންވަރުގެ ފަހުބައިގަ އެވެ. އޭނާ ވިދާޅުވީ، ދަމުނަމާދު ކުރާ މީހުންނަށް ގުރުއާނުގައި ﷲ ވަނީ ތައުރީފުގެ ބަސް ވަހީކުރައްވާފައި ކަމަށެވެ. ދަމުނަމާދުގެ އަހުލުވެރިންނަށް ސުވަރުގޭގެ މަތިވެރި ނިއުމަތް ތައްޔާރު ކޮށްދެއްވާފައިވާ ކަމުގެ އުފާވެރި ޚަބަރު ކީރިތި ގުރުއާނުގައި ﷲ ވަނީ ދެއްވައިފަ އެވެ.