އެމްފައިސާ ކަސްޓަމަރުންނަށް މެޓަ ކުއެސްޓް 3 ދެނީ

އުރީދޫގެ ޑިޖިޓަލް ވޮލެޓް އެމްފައިސާ ކަސްޓަމަރުންނަށް މެޓަ ކުއެސްޓް 3 ވީއާރު ހެޑްސެޓެއް ލިބޭ ޕްރޮމޯޝަނެއް ފަށައިފި އެވެ.

އެ ޕްރޮމޯޝަނުގައި ބައިވެރިވެވޭނީ އެމްފައިސާ މެދުވެރިކޮށް 1500ރ. އިން މަތީގެ ވިޔަފާރިތައް ކުރާ ކަސްޓަމަރުންނަށެވެ. މި ޕްރޮމޯޝަން އަންނަ މަހުގެ ނިޔަލަށް ކުރިއަށް ދާނެ އެވެ.

އެމްފައިސާ މެދުވެރިކޮށް ގިނަ ފިހާރަތަކަކާއި ރެސްޓޯރަންޓުތަކަށް ބިލް ދެއްކޭނެ އެވެ. އަދި ސްޓެލްކޯ އާއި އެމްޑަބްލިއުއެސްސީ އާއި މީޑިއާނެޓް ފަދަ އެކި ޔުޓިލިޓީސް ބިލްތައް ވެސް އެމް-ފައިސާ މެދުވެރިކޮށް ދެއްކޭނެ އެވެ.

އެމްފައިސާއަށް ރަޖިސްޓްރީ ކުރަން ބޭނުންވާ ކަސްޓަމަރުން އެމްފައިސާ އެޕް ޑައުންލޯޑްކޮށް، ސެޓަޕް ފުރިހަމަކޮށްގެން ރަޖިސްޓްރީ ކުރެވޭނެ އެވެ. މިއީ އުރީދޫ ފިޔަވައި އިތުރު ނެޓްވޯކުތަކުގެ ކަސްޓަމަރުންނަށް ވެސް ރަޖިސްޓްރީކޮށް ބޭނުން ކުރެވޭނެ ޑިޖިޓަލް ވޮލެޓެކެވެ.