ވައި ބާރުވެ ކަނޑު ގަދަވާނެތީ ބ. އަތޮޅުން ލ. އަށް ޔެލޯ އެލާޓް

ބޯ ވާރެއާ އެކު، ކަނޑުތައް ގަަދަވާނެތީ ބ. އަތޮޅުން ފެށިގެން ލ. އަތޮޅަށް މޫސުމާ ބެހޭ އިދާރާއިން މިއަދު ޔެލޯ އެލާޓް ނެރެފި އެވެ.

މެޓުން މި ސަރަހައްދުތަކަށް ޔެލޯ އެލާޓް ނެރުނީ މިއަދުގެ އިރުއޮއްސި 6:30 ގެ ނިޔަލަށެވެ.

މެޓުން ބުނީ ބޯކޮށް ވާރޭވެހުމާ އެކު، ގުގުރުމާއި ވިލާގަނޑުގައި ގަޑިއަކު 45 މޭލަށް ވައިގަދަވެ، ކަނޑުތައް ވެސް ގަދަވާނެ ކަމަށް ލަފާ ކުރެވޭ ކަމަށެވެ.

މޫސުން ގޯސްވެފައި މިވަނީ އިރުވައި މޫސުމުގެ ހަޅަ ޖަހަން ފެށުމުންނެވެ. ނަކަތް ބުނާ ގޮތުން ހަޅަ ލައްވާލާނީ ޑިސެމްބަރު 23 އިން ފެށިގެން ޖެނުއަރީ 18އާ ހަމައަށެވެ.

މެޓުން ލަފާކުރާ ގޮތުގައި އަންނަ އާދިއްތަ ދުވަހުގެ ނިޔަލަށް ރާއްޖޭގެ މޫސުން ގޯސްވާނެ އެވެ.

އާ އަހަރާއި ސްކޫލްތަކުގެ ޗުއްޓީއާ ދިމާކޮށް ގިނަ ބަޔަކު އެކި ރަށްރަށަށް ވަނީ ގޮސްފަ އެވެ. މެޓުން ވަނީ ދަތުރުކުރާއިރު އެންމެން ވެސް މޫސުމަށް ސަމާލުވާން އިލްތިމާސްކޮށްފަ އެވެ.