ގަވާއިދާ ހިލާފަށް އެތެރެވި ބޯޓެއް ޑްރޯނުން ހޯދައި އަތުލައިގެންފި

ރާއްޖޭގެ ހާއްސަ އިގްތިސާދީ ސަރަހައްދު ބެލެހެއްޓުމަށް ހިންގި އޮޕަރޭޝަނެއްގައި ބޭރުގެ މަސް ބޯޓެއް އަތުލައިގެންފި އެވެ.

އެމްއެންޑީއެފުން ބުނި ގޮތުގައި ބޯޓު އަތުލައިގަތީ ހާއްސަ އިގްތިސާދީ ސަރަހައްދުގައި ގާނޫނާ ހިލާފަށް ހަރަކާތްތެރިވަމުން ދަނިކޮށް އެމްއެންޑީއެފްގެ އެއާ ކޯ ޑްރޯންގެ އެހީގައި ލޮކޭޓްކުރުމަށް ފަހު ކަމަށެވެ. އަދި އެ މަސްބޯޓު މިހާރު ކޯސްޓްގާޑުގެ ބެލުމުގެ ދަށަށް ގެންގޮސްފައިވާ ކަމަށް ބުންޏެވެ.

އެކަމަކު އެއީ ކޮން ގައުމެއްގެ ބޯޓެއް ކަމެއް އަދި އަތުލައިގަތީ ކޮން ހިސާބަކުން ކަމެއް ނުބުނެ އެވެ.

މިދިޔަ މަހުގެ ތެރޭގައި ވެސް ވަނީ ރާއްޖޭގެ ކަނޑުގެ ސަރަހައްދަށް ގަވާއިދާ ހިލާފަށް ވަދެގެން އުޅުނު ބޭރުގެ ބޯޓެއް ޑްރޯންގެ އެހީގައި ހޯދައިފަ އެވެ.

ރާއްޖޭގައި އަސްކަރީ ޑްރޯންތައް ފުރަތަމަ ފަހަރަށް ބޭނުންކުރަން ފަށާފައި ވަނީ މިއަހަރުގެ މާޗު މަހު އެވެ.

މިވަގުތު މި ޑްރޯންތަކުގެ މައި މަރުކަޒެއްގެ ގޮތުގައި ނ. މާފަރު ބޭނުންކުރިޔަސް ސަރުކާރުން އަންނަނޛ އައްޑޫ ގަމާއި ށ. ފުނަދޫގައި އަސްކަރީ ބޭސް ގާއިމުކުރުމުގެ މަސައްކަތް ކުރަމުންނެވެ.