24-12-24، ރީތި ތާރީހުގައި 52 ކައިވެނި!

މިއަދު ފާހަގަކުރާ ރީތި ތާރީހާ ގުޅިގެން މާލޭގައި މިއަދު 52 ކައިވެނި ކުރަން ހަމަޖެހިފައިވާ ކަމަށް ފެމިލީ ކޯޓުން ބުނެފި އެވެ.

އެ ކޯޓުން ބުނިގޮތުގައި މިއަދުގެ ރަސްމީ ގަޑީގައި 16 ކައިވެނި އަދި ނުރަސްމީ ގަޑީގައި 36 ކައިވެނި ކުރަން ހަމަޖެހިފައިވާ ކަމަށެވެ.

މިއަދު އެހާ ގިނަ ކައިވެނި ކުރާ ގޮތަށް ހަމަޖެހިފައިވަނީ މިއަދުގެ ތާރީހު ކަމަށްވާ 24-12-2024 އަކީ ރީތީ ތާރީހަކަށް ވުމުންނެވެ.

އެއް ދުވަހެއްގައި 52 ކައިވެނި ކުރުމަކީ ނިސްބަތުން ވަރަށް ބޮޑު އަދަދެކެވެ. އެނގިފައިވާ ގޮތުގައި މާދަމާ އާއި އޭގެ އަނެއް ދުވަހު ވެސް މާލޭގައި ގިނަ އަދަދެއްގެ ކައިވެނި ކުރާ ގޮތަށް ހަމަޖެހިފަ އެވެ.

ފެމިލީ ކޯޓުން އާންމުކޮށްފައިވާ ތަފާސްހިސާބުތައް ދައްކާ ގޮތުން މިދިޔަ ނޮވެމްބަރު މަހު ވެސް 192 ކައިވެނި ކޮށްފައިވެ އެވެ. އޮކްޓޯބަރު މަހު 205 ކައިވެނި ކުރި އެވެ.

މި އަހަރުގެ އޮކްޓޯބަރު މަހު 148 ވަރި ކޯޓުގައި ރަޖިސްޓަރީ ކޮށްފައިވާއިރު ނޮވެމްބަރުގައި 95 ވަރި ފެމެލީ ކޯޓު މެދުވެރިކޮށް ކޮށްފައިވެ އެވެ.