ފަން ރަންގައި ގޯޕްލޭ އެކްޓިވޭޓްކޮށްގެން ކޮލޮމްބޯ ދެކޮޅު ޓިކެޓް

މާދަމާ އޮންނަ އުރީދޫ ފަންރަންގެ ބައިވެރިންގެ ތެރެއިން ދެ މީހަކަށް ކޮލޮމްބޯ ދެކޮޅު ޓިކެޓް ދިނުމަށް ހަމަޖައްސައިފި އެވެ.

މި އިނާމަކީ މާދަމާ ހަވީރު 5:45ގެ ކުރިން ފަންރަންގައި ރަޖިސްޓްރީވެފައިވާ ފަރާތްތަކުގެ ތެރެއިން ގޯޕްލޭ އެޕް ޑައުންލޯޑުކޮށް، ސައިންއަޕްކުރާ ކަސްޓަމަރުންގެ މެދުގައި ގުރުއަތު ނެގުމަށްފަހު ދިނުމަށް ހަމަޖެހިފައިވާ އިނާމެކެވެ.

އުރީދޫ އާއި ފިޓްސްއެއާ ގުޅިގެން ދޭ މި އިނާމުގެ ލަކީޑްރޯ ނަގާނީ މާދަމާ އޮންނަ ފަން ރަންގަ އެވެ.

ފިޓްސްއެއާ އަކީ ސްރީލަންކާގެ އަމިއްލަ ފަރާތަކަށް ނިސްބަތްވާ ފުރަތަމަ ބައިނަލްއަގުވާމީ އެއާލައިނެވެ. އަދި މިއީ އެންމެ އަގުހެޔޮކޮށް ދަތުރު ކުރެވޭ އެއް އެއާލައިނެވެ. ފިޓްސް އެއާއިން ދުބާއީ އާއި ކޮލަމްބޯގެ އިތުރުން ޗެންނާއީ އަދި ޑާކާ ފަދަ މަންޒިލްތަކަށް ދަތުރު ކުރެ އެވެ.

ފަންރަންއަށް ހުށަހަޅާފައިވާ ގްރޭންޑު އިނާމުގެ އިތުރުން އިވެންޓު އޮންނަ ތަނުގައި ހުންނަ ފިޓްސްއެއާ ޓެންޓުން އެ އެއާލައިނަށް ރަޖިސްޓްރީ ކުރުމުން އެ އެއާލައިންއިން ކޮލޮމްބޯއަށް ކުރާ ދަތުރުތަކުން 15 ޕަސެންޓް ޑިސްކައުންޓް ލިބޭނެ އެވެ.

އުރީދޫ ފަން ރަން އޮންނަނީ މާދަމާ ހަވީރު ހުޅުމާލެ ސެންޓްރަލް ޕާކުގަ އެވެ.