ރިއަލް އެސްޓޭޓްގައި އިންވެސްޓް ކުރުމުގެ ފުރުސަތު އާންމުންނަށް!

ފަސްޓް ނޭޝަނަލް ރިއަލް އެސްޓޭޓް އެންޑް ހޮސްޕިޓާލިޓީ ފަންޑުގައި އިންވެސްޓުކުރުމުގެ ފުރުސަތު މިއަދު ހުޅުވާލައިފި އެވެ.

އެއީ ދިވެހިރާއްޖޭގައި ރިއަލް އެސްޓޭޓަށް ހާއްސަ ކޮށްގެން ގާއިމްކޮށްފައިވާ އެންމެ ފުރަތަމަ އިންވެސްޓްމެންޓް ފަންޑެވެ. ފަންޑު ހާއްސަ ކޮށްފައި ވަނީ އުމްރާނީ ތަރައްގީގެ އެކިއެކި ޕްރޮޖްޓުތަކުގައި އިންވެސްޓު ކުރުމަށެވެ.

މި ފަންޑުން މިވަގުތު ހުޅުވާލައިފައި މިވަނީ ހ. ސަކީނާ މަންޒިލް (އެންމެ ތިރީ، ފުރަތަމަ، އަދި ދެވަނަ ފަންގިފިލާ) ގައި 30 އަހަރު ދުވަހުގެ މުއްދަތަށް އިންވެސްޓް ކުރުމުގެ ފުރުސަތެވެ.

މިއީ ކުންފުނީގެ ގާނޫނުގެ ދަށުން މިނިސްޓްރީ އޮފް ޓްރޭޑް އެންޑް އިކޮނޮމިކް ޑިވެލޮޕްމަންޓުގައި ރަޖިސްޓަރީކޮށް، ކެޕިޓަލް މާކެޓް ޑިވެލޮޕްމަންޓް އޮތޯރިޓީން ލައިސަންސް ލިބި، ހުއްދަ ހޯދައިގެން ހިންގާ ފަންޑެކެވެ.

މި ފަންޑުގައި ހިއްސާދާރެއްގެ ގޮތުގައި (އިކުއިޓީ) އަދި ބޮންޑުހޯލްޑަރެއްގެ ގޮތުގައި ވެސް ބައިވެރިވެވޭނެ ފުރުސަތު ވަނީ ހުޅުވާލައިފަ އެވެ.

ހިއްސާގެ ގޮތުގައި ވިއްކުމަށް ހަމަޖެހިފައިވަނީ 1،000 ރުފިޔާގެ ރޭޓުން 9،900 ހިއްސާއެވެ. ބޮންޑުގެ ގޮތުގައި 1،000 ރުފިޔާގެ ރޭޓުން 8،100 ބޮންޑު ދޫކުރުމަށް ހަމަޖެހިފައިވާއިރު، ހިއްސާއެކޭ އެއްފަދައިން ބޮންޑުގައި ވެސް އިންވެސްޓްކުރެވޭ އެންމެ ކުޑަ އަދަދަކީ 10،000 ރުފިޔާ އެވެ.

ހިއްސާދާރުންނަށް މި ފަންޑުން 30 އަހަރުގެ މުއްދަތަކަށް، ޑިވިޑެންޑް ލިބެމުންދާނެ އެވެ. ހިއްސާއެއްގެ ފައިދާއެއްގެ ގޮތުގައި ލިބޭނީ ފަންޑުގެ ބޯޑުން ހިއްސާދާރުންނަށް ފައިދާގެ ގޮތުގައި ބަހަން ނިންމާ އަދަދެވެ. ހިއްސާދާރުންނަށް މި ފަންޑުން ޑިވިޑެންޑް 30 އަހަރުގެ މުއްދަތަކަށް ބެހީމާ ހިއްސާދާރަކަށް އަހަރަކު %20 އެވެރެޖުކޮށް، ޖެހޭނެ ކަމަށް އަންދާޒާކުރެވެ އެވެ.

ބޮންޑު ގަތުމުން ކޮންމެ އަހަރަކު ކަނޑައެޅިގެންވާ ވަކި އަދަދެއް 6 އަހަރު ވަންދެން ލިބެމުންދާނެ އެވެ. ބޮންޑު ގަންނަ ފަރާތްތަކަށް އަހަރަކު 12% ގެ ރިޓާންއެއް ލިބޭނެ އެވެ. ހިއްސާ އަދި ބޮންޑު ގަންނަ ފަރާތްތަކަށް ލިބޭ ރިޓާން ނުވަތަ ފައިދާ ބަހަމުންދާނީ އަހަރަކު ހަތަރު ފަހަރަށް ބަހާލައިގެންނެވެ.

މިފަންޑުގެ މެނޭޖަރު އަދި ސްޕޮންސަރަކީ، ފަސްޓު ނޭޝަނަލް ފައިނޭންސް ކޯޕަރޭޝަން އެވެ. ފަސްޓު ނޭޝަނަލްއަކީ ކެޕިޓަލް މާކެޓު ޑިވެލޮޕްމަންޓް އޮތޯރިޓީން އިންވެސްޓްމެންޓް ލައިސަންސް ލިބިފައިވާ ފަރާތެކެވެ.

ފަންޑުގެ ޕްރޮސްޕެކްޓަސް ވިދާޅުވެލެއްވުމަށް އަދި ފަންޑުގައި އިންވެސްޓުކުރެއްވުމަށް estatefund.mv އަށް ޒިޔާރަތްކޮށްލައްވާ!

ނޯޓް: މިއީ ފަސްޓް ނޭޝަނަލް ފައިނޭންސް ކޯޕަރޭޝަންގެ އެޑްވަޓޯރިއަލްއެކެވެ.