އިންޑޯމިލްކް ޕެކެޓެއް ގަނެގެން އެއް ލައްކަ ރުފިޔާ ލިބޭ ޕްރޮމޯޝަނެއް

ދިވެހިންގެ މެދުގައި މަގްބޫލު ބްރޭންޑު، އިންޑޯމިލްކަށް ހާއްސަ ޕްރޮމޯޝަނެއް ފަށައިފި އެވެ.

ބޮޑު އިނާމެއްގެ ގޮތުގައި އެއް ލައްކަ ރުފިޔާ ހުށަހަޅާފައިވާ މި ޕްރޮމޯޝަންގައި ކޮންމެ ހަފްތާއަކު އަދި ކޮންމެ މަހަކު ވެސް އަގުހުރި އިނާމުތަކެއް ދޭނެ އެވެ. މި ޕްރޮމޯޝަނުގައި ބައިވެރިވެވޭނީ "ސްކްރެޗް އެންޑް ވިން" ލޯގޯ ހިމެނޭ އިންޑޯމިލްކް ޕެކެޓެއް ގަނެގެންނެވެ. ޕެކެޓުގައި ހިމެނޭ "ސްކްރެޗް އެންޑް ވިން" ކަހާލުމުން ކިއުއާރު ކޯޑެއް ފެންނާނެ އެވެ. އެ ކޯޑު ސްކޭން ކޮށް ލިންކަށް ގޮސް މައުލޫމާތު ފުރިހަމަކުރުމުން އެ ޕްރޮމޯޝަނުގައި ބައިވެރިވެވޭނެ އެވެ.

މި ޕްރޮމޯޝަނުގައި ބައިވެރިވެވޭނީ ކިއުއާރު ކޯޑުން ދެވޭ ލިންކުގައި މައުލޫމާތުތައް ފުރިހަމަކުރާ ކަސްޓަމަރުންނަށެވެ.

މި ޕްރޮމޯޝަންގައި ވީކްލީ އަދި މަންތްލީ އިނާމުތަކުގެ ގޮތުގައި 50 ސްކޭޓް ބޯޑާއި ސްކޫޓަރު އަދި 100 ގިފްޓް ވައުޗަރު ދިނުމަށް ވަނީ ހަމަޖެހިފަ އެވެ. މި ޕްރޮމޯޝަނުގައި މަންތުލީ އަދި ވީކްލީ އިނާމުތައް ލިބޭ ކަސްޓަމަރުން އެމްޔޫ ސްޓޯރުގެ ސޯޝަލް މީޑިއާގައި އިއުލާނުކުރާނެ އެވެ.

މި ޕްރޮމޯޝަން ކުރިއަށް ދާނީ އަންނަ އޭޕްރިލް މަހުގެ ނިޔަލަށެވެ.

އިންޑޯމިލްކުގެ އެކި ފްލޭވާތަކުގެ ޕެކެޓު ހުރެ އެވެ. އެމްޔޫ ސްޓޯރުން އެތެރެކޮށް ވިއްކާ އިންޑޯމިލްކު ރާއްޖޭގެ ގިނަ ފިހާރަތަކުން ލިބެން ހުންނާނެ އެވެ.