ލެކްނޯޯގެ ޖޫހާއި ކިރު ޕެކެޓް ގަނެގެން އައިޕެޑް ހޯދުމުގެ ފުރުސަތު

ރާއްޖޭގައި ލެކްނޯ ބްރޭންޑުގެ އުފެއްދުންތައް ވިއްކާ އެމްޔޫ ސްޓޯރުން "ބައި އެންޑް ވިން ޕްރޮމޯ"ގެ ނަމުގައި ހާއްސަ ޕްރޮމޯޝަނެއް ފަށައިފި އެވެ.

އަންނަ މަހުގެ 21 ވަނަ ދުވަހުގެ ނިޔަލަށް ކުރިއަށް ގެންދާ މި ޕްރޮމޯޝަނުގައި ގުރުއަތުން ހޮވޭ ނުވަ ފަރާތަކަށް އައިޕެޑެއް ދިނުމަށް ވަނީ ހަމަޖެހިފަ އެވެ. އެމްޔޫ ސްޓޯރުން ބުނީ ލެކްނޯގެ އުފެއްދުންތައް ލިބެން ހުރި ކޮންމެ ފިހާރައަކުން ވެސް އެ ބްރޭންޑްގެ ތަކެތި ގަނެގެން މި ޕްރޮމޯޝަނުގައި ބައިވެރިވެވޭނެ ކަމަށެވެ. އެ ޕްރޮމޯޝަނުގައި ބައިވެރިވެވޭނީ ލެކްނޯ ކިރު ނުވަތަ ޖޫހުގެ 180 މިލިލީޓަރުގެ ފަސް ޕެކެޓު ގަނެގެން ކަމަށް އެ ކުންފުނިން ބުންޏެވެ.

އެމްޔޫ ސްޓޯރުން ބުނީ ޕެކެޓުތައް ވިއްކާ ފިހާރަތަކުގައި ޕްރޮމޯޝަނުގައި ބައިވެރިވުމަށް ކިއުއާރު ކޯޑެއް ހުންނާނެ ކަމަށެވެ. އަދި މި ކިއުއާރު ކޯޑު ސްކޭން ކުރުމަށް ފަހު، އޭގައި ހިމަނާފައި ހުރި މައުލޫމާތުތައް ފުރިހަމަކުރުމަށް ފަހު، ފިހާރައިން ދޭ ބިލުގެ ފޮޓޯއެއް އަޕްލޯޑް ކުރުމުން ޕްރޮމޯޝަނުގައި އެވެ.

އެ ކުންފުނިން ބުނީ ނަސީބުވެރިން ހޮވާނީ މި ލިންކަށް ސަބްމިޓްކުރާ މީހުންގެ މެދުގައި ކަމަށެވެ. އަދި މި ޕްރޮމޯޝަންގައި ގުރުއަތުން ހޮވޭ ފަރާތްތަކުގެ މައުލޫމާތު ސޯޝަލް މީޑިއާގައި ހިއްސާ ކުރާނެ ކަމަށް އެ ކުންފުނިން ބުންޏެވެ.

މި ޕްރޮމޯޝަން އަންނަ މަހުގެ 21 ވަނަ ދުވަހުގެ ނިޔަލަށް ކުރިއަށް ގެންދާނެ އެވެ.