އުމްރާއަށް މީހުން ގެންދިއުމުގެ ހުއްދަ ދީފައިވާ ކުންފުނިތައް އާންމުކޮށްފި

ރާއްޖެއިން އުމްރާއަށް މީހުން ގެންދިއުމުގެ ހުއްދަ އޮތް ކުންފުނިތައް އިސްލާމިކް މިނިސްޓްރީން މިއަދު އާންމުކޮށްފި އެވެ.

މިދިޔަ އަހަރާއި މި އަހަރުގެ މިހާތަނަށް އުމްރާއަށް މީހުން ގެންދިއުމަށް ހުއްދަ ދޫކުރީ 57 ކުންފުންޏަކަށެވެ. އޭގެ ތެރެއިން މި އަހަރު ހުއްދަ ދީފައި ވަނީ އިތުރު 14 ކުންފުންޏަކަށެވެ.

އުމްރާ ހުއްދަ އޮތް ކުންފުނިތައް:

- ތައިސީރު ޓްރެވެލްސް އެންޑް ޓްރޭޑް

- އަލްހަރަމައިން ހައްޖު އެންޑް އުމްރާ ކުންފުނި

- ދަރުމަލިލް ހައްޖު ވަލް އުމުރަތި

- މިސްކިޔާ ޕްރައިވެޓް

- ލަންޑޯ ޓްރެވަލްސް ޕްރައިވެޓް

- ސީވިއު ލިންކްސް ޕްރައިވެޓް

- މިނާ ހައްޖު އުމްރާ

- އޭކްރޯ ޕްރައިވެޓް

- ޔަލަމްލަމް ޕްރައިވެޓް

- މުސާފިރިން ޕްރައިވެޓް

- ކަމަނަ ހޯލްޑިންޑް

- ނަވާ ހައްޖު

- ގިބްލް ހައްޖު

- ހިޖާޖު ޕްރައިވެޓް

- ތަވައްކުލް ޕްރައިވެޓް

- އެޑޯރާ އެންޓާ ޕްރައިސަސް ޕްރައިވެޓް

- ތަވާފް ޕްރައިވެޓް

- އަލްއައިން ޓްރެވެލްސް

- ސިސިލްފަރު ހައްޖު އެންޑް އުމްރާ

- އަލްމަނާކިސް ޕްރައިވެޓް

- ތަޒްކިޔާ ޕްރައިވެޓް

- އަލް ސަފާ ޕްރައިވެޓް

- އަރަފާތު ހައްޖު އެންޑް އުމްރާ

- ޟިޔާފާ ޕްރައިވެޓް

- ގާފިލާ މޯލްޑިވްސް

- އަލްހިޖުރަ ޓްރެވެލް އެންޑް ޓުއާސް

- ޒާދް ހޯލްޑިގްސް

- ތައިބާ ޕްރައިވެޓް

- ޠާހާ ހައްޖު އެންޑް އުމްރާ

- މީގާތު އައްޖު އެންޑް އުމްރާ

- މިހުރާބު ހައްޖު އެންޑް އުމްރާ

- ގުބާ ހައްޖު އެންޑް އުމްރާ

- ލައްބައިކަ ޓުއާސް

- ޖީޒާން ހައްޖު ވަލް އުމްރާ

- އަލް އިހްރާމް ޕްރައިވެޓް

- ނިމްސާ މޯލްޑިވްސް

- ގާސިދު ޕްރައިވެޓް

- އަލް ބްރޫޖް ހޯލްޑިންސް

- ފަރީ އަސްކޮއި ހައްޖު އެންޑް އުމްރާ ޓުއާސް

- ޒަމްޒަމް އެޗް އެންޑް ޔޫ ޓްރެވަލް ޕްރައިވެޓް

- އަސްކޮއި ޓްރެވެލް ސާވިސް

- ޒައީ ގްރޫޕް ޕްރައިވެޓް

- ތަގުވާ އެންޓާ ޕްރައިސަސް ޕްރައިވެޓް

- ކުއެންޒޯ ޕްރައިވެޓް

- ސާބިތު ލިލް ހައްޖު ވަލް އުމްރާ

- ހަނީން ހައްޖު އެންޑް އުމްރާ

- އަލް މުސާފިރު ޕްރައިވެޓް

- ޒާއިރު ޕްރައިވެޓް

- ފަރީ ހައްޖު އެންޑް އުމްރާ

- ރިސާލާ ހައްޖު އެންޑް އުމްރާ

- ހިރާ ހައްޖު އެންޑް އުމްރާ

- ތަހީ ހައްޖު އެންޑް އުމްރާ

- ރިހްލާ ޓްރެވެލާސް

- ޒާދް އަލް ޚައިރު މޯލްޑިވްސް ޕްރައިވެޓް

- ޞަހާބާ އިންވެސްޓްމެންޓްސް

- ތަޒްކިޔާ ޕްރައިވެޓް

- މައްކާ ޓުއާސް ޕްރައިވެޓް

މި ފަހުން ހަދާފައިވާ ގަވައިދުގެ ދަށުން އުމްރާއަށް ގެންދިއުމުގެ ހުއްދައަށް ކޮންމެ އިރަކު ވެސް ޕްރޮޕޯސަލް ހުށަހެޅޭނެ އެވެ.

މީގެ ކުރިން އަމަލުކުރި އުމްރާއަށް މީހުން ގެންދިއުމާ ބެހޭ އުސޫލުގައިވާ ގޮތުން އެ ހިދުމަތް ދިނުމަށް ޕްރޮޕޯޒަލް ހުށަހެޅޭނީ އެކަމަށް އިއުލާން ކުރުމުން އެކަންޏެވެ. ފެބްރުއަރީ، 2022 ގައި އަމަލުކުރަން ފެށި އެ ގަވައިދުގެ ދަށުން މިނިސްޓްރީން ދިޔައީ އުމްރާއަށް މީހުން ގެންދާނެ ފަރާތްތައް ހޯދަން އަހަރަކު ދެ ފަހަރު އިއުލާން ކުރަމުންނެވެ.

އޭގެ ސަބަބުން ދެ އަހަރަށް ދޭ ހުއްދަ ހަމަވިޔަސް މިނިސްޓްރީން އިއުލާންކުރަން ދެން މަޑުކުރަންޖެހެ އެވެ. އެކަމަކު މިހާރު އަމަލުކުރާ ގަވައިދުގެ ދަށުން ހުއްދަ ހަމަވުމުގެ 30 ދުވަސް ކުރިން މިނިސްޓްރީއަށް ފޯމު ހުށަހެޅެ އެވެ.

އުމްރާއަށް މީހުން ގެންދިއުމުގެ ހުއްދައަށް އެދޭއިރު 20،000ރ. ގެ ފީއެއް ނަގަ އެވެ. ހުއްދަ އާކުރާ ނަމަ، 15،000ރ. ގެ ފީއެއް ނަގަ އެވެ. އުމްރާއަށް ދާ މީހުންގެ އަތުން ހިދުމަތްތަކާ އެކަށީގެން ނުވާ އަގުތައް ނަގައިގެން ނުވާނެ ކަމަށް އުސޫލްގައިވެ އެވެ.

ހުއްދައިގެ ކުރިން ނުވަތަ ހުއްދަ އާ ކުރުމުގެ ކުރިން އެއްވެސް ބައެއްގެ އަތުން ފައިސާ ނަގައިގެން ނުވާނެ އެވެ. އަދި އުމްރާއަށް ގެންދިއުމުގެ ހުއްދަ އޮތް ފަރާތެއްކަން ކަށަވަރުނުކޮށް ފައިސާ ދެއްކުމަށް ފަހު އެއްވެސް މައްސަލައެއް ދިމާވެއްޖެ ނަމަ، އޭގެ ޒިންމާ ވެސް ނަގަން ޖެހެނީ އެ ފައިސާ ދެއްކި މީހެކެވެ.

މީގެ ކުރިން ހުއްދަ ނުނަގައި ބައެއް ކުންފުނިތަކުން މީހުން އުމްރާއަށް ގެންގޮސްފައި އެބަހުއްޓެވެ. މިދިޔަ އަހަރުގެ ރޯދަ މަހުގެ ތެރޭގައި ވެސް ހުއްދައަކާ ނުލައި މަޝްއަރު ގްރޫޕްގެ ހަވާލުގައި ބަޔަކު އުމްރާއަށް ގެންދިޔައިރު އިސްލާމިކް މިނިސްޓްރީން ވަނީ އެ މައްސަލަ ފުލުހަށް ވެސް ހުށަހަޅައިފަ އެވެ.