ޓްރަމްޕު އެނބުރި އައުމުން ޔޫރަޕުގައި ހާސްކަން

އެމެރިކާގެ ކުރީގެ ރައީސް ޑޮނަލްޑް ޓްރަމްޕް އަލުން ވެރިކަމަށް ވަޑައިގަތުމަކީ ބައިބައިވުންތަކަށް މަގު ފަހިވެ ސައްހަ ނޫން މައުލޫމާތު ފެތުރުން އިތުރު ވެދާނެ ސަބަބެއް ކަމަށް ބުނެ ވޯލްޑް ފޯރަމް ފޯ ޑިމޮކްރަސީން ކަންބޮޑުވުން ފާޅުކޮށްފި އެވެ.

ކައުންސިލް އޮފް ޔޫރަޕްގެ 12 ވަނަ އެޑިޝަން ފެށުމުގެ ގޮތުން ޓްރަމްޕާ ބެހޭ ގޮތުން ގިނަ ވާހަކަތަކެއް ދެއްކި އެވެ. ޓްރަމްޕުގެ ސިޔާސަތުތަކުގެ ސަބަބުން ގައުމުތަކުގެ ގުޅުން ހީނަރުވާނެ ކަމުގެ ކަންބޮޑުވުން ވަނީ ފާޅުކޮށްފަ އެވެ. ފްރާންސްގެ ރައީސް އިމަނުއެލް މެކްރޮން ރިޔާސަތު ބެލެހެއްޓެވި މި ބައްދަލުވުން ދިމާވީ އެމެރިކާގެ އިންތިހާބަށެވެ.

"އެމެރިކާގެ ރިޔާސީ އިންތިހާބާ ދިމާވާ ގޮތަށް ވުރެ ރަނގަޅު ދަނޑިވަޅެއް ޑިމޮކްރަސީ އާއި ޑައިވާސިޓީއާ ބެހޭ ގޮތުން މަޝްވަރާކުރާކަށް ނާންނާނެ،" ކައުންސިލް އޮފް ޔޫރަޕްގެ ސެކްރެޓަރީ ޖެނެރަލް އެލެއިން ބާސެޓް ވިދާޅުވި އެވެ.

އޭނާ ވިދާޅުވި ގޮތުގައި އެމެރިކާގެ މިސާލު ނަގައިގެން ދުނިޔޭގެ އެހެން ގައުމުތަކުގައި ކަން ކުރުމަށް ބުނާއިރު އެމެރިކާގެ މި ނިންމުމާ އެކު އެއީ އުފެދޭ ސުވާލެކެވެ.

"ޑިމޮކްރަސީތަކަށް ދިމާވެފައިވާ މައްސަލަތަކަކީ ހަގީގަތެއް، އެއީ އަޅުގަނޑުގެ ޖީލަށް މާ ބޮޑު ޔަގީންކަމެއް އޮތުން ކަމަކަށް ވެދާނެ. މާޒީގައި އަޅުގަނޑުމެންގެ ވިސްނުން މާ ހަނީ،" ބާސެޓް، 52، ވިދާޅުވި އެވެ.

ޔޫކްރެއިންގައި ހިނގަމުންދާ ހަނގުރާމައަކީ އެންމެ ބޮޑު ގޮންޖެހުމުގެ ގޮތުގައި ސިފަކުރައްވަމުން ސްވިޒަލޭންޑްގެ ސިޔާސީ ބޭފުޅަކު ވިދާޅުވީ، އުސޫލުތަކާއި އަސާސްތައް ދަމަހައްޓަން އެންމެ ވެސް މަސައްކަތްކުރާނެ ކަމަށް ހީކޮށްގެން ތިބި ނަމަވެސް މިހާރު އެކަން ނިމިއްޖެ ކަމަށެވެ.

ޓްރަމްޕު ދެ ވަނަ ފަހަރަށް ރައީސްކަމަށް އިންތިހާބުކޮށްފައި ވަނީ އޭނާގެ މައްޗަށް ޖިނާއީ އެތައް ކުށެއްގެ ތުހުމަތުކޮށް ކޯޓާ ހިސާބަށް ގޮސްފައި ވާއިރު އޭގެ ތެރެއިން އެއް ދައުވާއެއް ސާބިތު ވެސް ވެފައި ވަނިކޮށެވެ.