އުރީދޫން 12 މީހަކަށް ސައިކަލު ދީފި، ޕްރޮމޯޝަން އަންނަ މަހުގެ ނިޔަލަށް

މިދިޔަ ސެޕްޓެމްބަރު މަހު އުރީދޫން ފެށި، ކޮންމެ ތިން ދުވަހަކުން ސައިކަލެއް ލިބޭ ޕްރޮމޯޝަނުގައި 12 ނަސީބުވެރިއަކަށް ސައިކަލު ހަވާލުކޮށްފި އެވެ.

އުރީދޫން ބުނީ އަންނަ ޑިސެމްބަރު މަހުގެ ނިޔަލަށް ކުރިއަށްދާ މި ޕްރޮމޯޝަނުގައި އަދި 18 މީހެއްގެ ގުރުއަތު ނެގުން އޮންނާނެ ކަމަށެވެ. މި ޕްރޮމޯޝަނުގައި 30 ސައިކަލު ދޭނެ އެވެ.

މި ޕްރޮމޯޝަނުގައި ބައިވެރިވެވޭނީ 30 ދުވަހުގެ ތެރޭގައި 250ރ. އަށް ވުރެ މަތިން ބިލް ދައްކައި ރީޗާޖުކޮށް އެޑްއޮން އެއް ބޭނުންކުރާ ކަސްޓަމަރުންނާއި އަލަށް ގުޅޭ ކަސްޓަމަރުންގެ ތެރެއިން ހިދުމަތް ބޭނުންކުރުމަށް 400ރ. އިން މަތިން ބިލް ދައްކައި ރީޗާޖުކޮށް ނުވަތަ އެޑް އޮން އެއް ބޭނުންކުރާ ކަސްޓަމަރުންނަށެވެ.

މި ޕްރޮމޯޝަނުގެ ގްރޭންޑް ޕްރައިޒަކަށް ހުށަހަޅާފައި ވަނީ 2024 ވަނަ އަހަރުގެ ރެބެލް 300 (ކަޅު) ސައިކަލެކެވެ. ޕްރޮމޯޝަނުގައި ކޮންމެ ތިން ދުވަހަކު ދެނީ އެއާ ބްލޭޑް 125 - ސްޓޭންޑާޑް އެޑިޝަން (ރަތް ކުލަ) އާއި އެއާ ބްލޭޑް 160 - ސްޓޭންޑާޑް އެޑިޝަން (ރަތް ކުލަ) އަދި ޕީސީއެކްސް 160 ކަޅު ކުލައިގެ ސައިކަލެކެވެ.

މިއީ ރާއްޖޭގެ ބޮޑު ބަޔަކަށް 5ޖީ ހިދުމަތް ދިނުން ފާހަގަކުރުމުގެ ގޮތުން އުރީދޫން ފެށި ޕްރޮމޯޝަނެކެވެ.