ޓެކްސް އެޕީލް ޓްރައިބިއުނަލަށް ހަތަރު ބޭފުޅަކު އައްޔަންކުރަން ރުހުން ދީފި

ޓެކްސް އެޕީލް ޓްރައިބިއުނަލުން ހުސްވެފައިވާ މަގާމްތަކަށް އައްޔަން ކުރަން ހަތަރު ބޭފުޅެއްގެ ނަން ރައްޔިތުންގެ މަޖިލީހުން މިއަދު ފާސްކޮށްފި އެވެ.

އައިޝަތު ނުޒުހާ

24 އޮކްޓޯބަރ 2024

ޓެކްސް އެޕީލް ޓްރައިބިއުނަލްގެ ހަތަރު މަގާމަކަށް ކުރިމަތިލުމަށް އާންމުކޮށް އިއުލާން ކުރުމުން 13 ބޭފުޅަކު ވަނީ ކުރިމަތިލައިފަ އެވެ. އެ ނަންތައް ދިރާސާ ކުރުމަށްފަހު ޖުޑީޝަރީ ކޮމިޓީން ފޮނުވުމުން މަޖިލީހުގެ ތަޅުމުގައި މިއަދު ވަނީ ވަކިވަކިން ހުރިހާ ނަމަކަށް ވޯޓަށް އަހައިފަ އެވެ.

އޭގެ ތެރެއިން މަޖިލީހުން ރުހުން ދިން ނަންތައް:

- އަބްދުލްޣަނީ މުހައްމަދު

- އިބްރާޙިމް ޝަރީފް

- ހަސަން ޒުހައިރު މުހައްމަދު

- ޝިފްޒާ އަބްދުލްގައްޔޫމް

Tax appeal tribunal ge 4 memberun vaki koffi

The most trusted news source in the Maldives

Mihaaru

މީގެ ތެރެއިން އަބްދުލްޣަނީއަކީ ސުޕްރީމް ކޯޓުގެ ކުރީގެ ފަނޑިޔާރެކެވެ.

ޓެކްސް އެޕީލް ޓްރައިބިއުނަލުން ހަތަރު މަގާމެއް ހުސްވީ އެ ޓްރައިބިއުނަލްގެ މެމްބަރުންގެ މައްސަލަތަކެއް ބެލުމަށް ފަހު ޓްރައިބިއުނަލްގެ މެންބަރު އިސްމާއީލް ސާޖިދު ފިޔަވައި ބާކީ ތިއްބެވި ހަތަރު މެމްބަރުން މަގާމުން ވަކިކުރުމުންނެވެ. އެ ބޭފުޅުން މަގާމުން ވަކިކުރީ އެގޮތަށް މަޖިލީހުން ފާސް ކުރުމަށްފަހު ރައީސް ޑރ. މުހައްމަދު މުއިއްޒަށް ލަފާ ދެއްވުމުންނެވެ.

Comments