ގައުމީ މުބާރާތުގައި ވެސް ތައްޓަށް ވާދަކުރަނީ ވެމްކޯ އާއި ޕޮލިސް

ގައުމީ މުބާރާތުގެ ފައިނަލުގެ ފަހު ޖާގަ ޕޮލިސް ކްލަބުން ހޯދައިފި އެވެ.

މިރޭ ކުޅޭ ފައިނަލުގައި އެ ޓީމުން ނުކުންނާނީ ވާދަވެރި، ކްލަބް ވެމްކޯއާ ދެކޮޅަށެވެ.

ސެމީ ފައިނަލުގައި ރޭ ޕޮލިހާ ދެކޮޅަށް ނުކުތީ ވޯލީބޯލް ޔޫތު ނިއު ޖެނެރޭޝަނެވެ. ސެމީ ފައިނަލަށް އެ ޓީމު ދަތުރު ކުރީ ހިންމަފުށީ ވިކްޓޯރިއަސް ކްލަބާ ދެކޮޅަށް އަންގާރަ ދުވަހު ހަވީރު ކުޅުނު މެޗު ކާމިޔާބުކޮށްގެންނެވެ.

ރޭ ގެ ސެމީ ފައިނަލް މެޗު ޕޮލިހުން މެޗު ކާމިޔާބު ކުރީ ސީދާ ތިން ސެޓުން، 25-20، 25-16 އަދި 25-20 އިންނެވެ.

ގައުމީ ލީގުގެ ތަށި ޕޮލިސް ބަލިކޮށް ކާމިޔާބު ކުރީ ވެމްކޯ އެވެ. މިރޭ ކުޅޭ ފައިނަލު ވެގެންދާނީ ވެމްކޯގެ އެ ކާމިޔާބަށް ބަދަލުހިފަން ޕޮލިހުން ނުކުންނަ މެޗަށެވެ.

ފައިނަލުގެ ޖާގަ ވެމްކޯއީން ހޯދީ ޕޮލިސް ބަލިކުރުމަށް ފަހު އެވެ. ވެމްކޯއިން އެ މެޗު ކާމިޔާބު ކުރީ ސީދާ ތިން ސެޓުންނެވެ.