02 ސެޕްޓެމްބަރ 2024
ރާއްޖޭގައި ގަވާއިދާ ޚިލާފަށް އުޅޭ ބިދޭސީން ހުއްޓުވަން އިމިގްރޭޝަނުން ހިންގާ އޮޕަރޭޝަނަށް ފިލަން ހދ. ކުޅުދުއްފުއްޓަށް ދިޔަ ބިދޭސީންތަކެއް އަތުލައިގަނެ، ގަވާއިދާ ޚިލާފަށް އުޅޭތީ އިމިގްރޭޝަނަށް ހާޒިރުވާން ނޯޓިސް ދީފި އެވެ.
ރާއްޖޭގައި ގަވާއިދާ ޚިލާފަށް އުޅޭ ބިދޭސީން ހުއްޓުވަން އިމިގްރޭޝަނުން ހިންގާ އޮޕަރޭޝަނަށް ފިލަން ހދ. ކުޅުދުއްފުއްޓަށް ދިޔަ ބިދޭސީންތަކެއް އަތުލައިގަނެ، ގަވާއިދާ ޚިލާފަށް އުޅޭތީ އިމިގްރޭޝަނަށް ހާޒިރުވާން ނޯޓިސް ދީފި އެވެ.
އިމިގްރޭޝަނުން ބުނީ ކުޅުދުއްފުއްޓަށް އިއްޔެ ނުވަ ބިދޭސީއަކު ދިޔަ ކަމަށެވެ. މީގެ ކުރިން ވެސް ފިލަން އެ ރަށަށް ދިޔަ ބިދޭސީންތަކެއް ވަނީ އަތުލައިގެންފަ އެވެ.
ގަވާއިދާ ހިލާފަށް އުޅޭ ބިދޭސީން ހޯދުމަށް ހިންގާ އޮޕަރޭޝަންތައް ފުޅާކުރުމާ އެކު އެމީހުން ފިލަން ކުޅުދުފުއްޓަށްދާތީ އެ ރަށު ކައުންސިލުން ވަނީ އެކަން ހުއްޓުވަން އެ ރަށުގައި ހުންނަ އިމިގްރޭޝަނާއި ފުލުހުންގެ އެހީތެރިކަމަށް ވެސް އެދިފަ އެވެ.
އިމިގްރޭޝަނުން ބުނީ ގަވައިދާ ހިލާފަށް އުޅޭ ބިދޭސީން މާލެ ދޫކޮށް އެކި ރަށްރަށަށްދާ ކަމުގެ ރިޕޯޓު ލިބެމުންދާ ކަމަށެވެ. ކުޅުދުފުއްޓަށް އިއްޔެ ދިޔަ ބޯޓެއް ބަލައިފާސްކުރިއިރު އޭގެއިން ދަތުރުކުރި ބިދޭސީންގެ ތެރެއިން ނުވަ ބިދޭސީންނަކީ ރާއްޖޭގައި ގަވާއިދާ ހިލާފަށް އުޅެމުންދިޔަ މީހުންނެވެ.
އެހެންވެ، އެ މީހުންނަށް ނޯޓިސްދީ ކުޅުދުއްފުށީ އިމިގްރޭޝަނަށް ހާޒިރުވާން އަންގާފައިވާ ކަމަށް ވެސް އިމިގްރޭޝަނުން ބުންޏެވެ.
ގަވައިދާ ހިލާފަށް އުޅޭ މީހުން ގޮވައިގެން ދަތުރުކުރުމުން ބޯޓުގެ ކެޕްޓަނަށް ވެސް ވަނީ ލިޔުމުން ނަސޭހަތް ދީފަ އެވެ.
އިމިގްރޭޝަނުން ބުނި ގޮތުގައި ހާޒިރުވާން ދިން ނޯޓިސްއާ އެއްގޮތަށް އަމަލުނުކޮށްފި ނަމަ، އިމިގްރޭޝަން ގާނޫނުގެ ދަށުން އެ ބިދޭސީންނާ މެދު ފިޔަވަޅު އަޅާނެ އެވެ.
ބިދޭސީން ކުޅުދުއްފުއްޓަށް ފިލަންދާ މައްސަލާގައި އެ ރަށުގެ ކައުންސިލުން ކުރިން ބުނެފައިވާ ގޮތުގައި، ގިނަ ބަޔަކު އެ ރަށަށް މިސްރާބު ޖަހާފައި ވަނީ ދަތުރުކުރުމުގެ ފަސޭހަ ނިޒާމެއް އޮންނާތީ ކަމަށް ބެލެވެ އެވެ. އިމިގްރޭޝަނުން ފެށި އޮޕަރޭޝަނަކާ އެކު އެ ރަށަށް ދާ ބިދޭސީންގެ އަދަދު އިތުރުވެފައިވާ ކަމަށް ކައުންސިލުން ބުންޏެވެ.
ބިދޭސީން ފިލަން ރަށްރަށަށް ދާތީ، އޮޕަރޭޝަން އިތުރަށް ފުޅާކުރަން ނިންމާފައިވާ ކަމަށް އިމިގްރޭޝަނުން ވަނީ ބުނެފަ އެވެ.
އިމިގްރޭޝަނުގެ އޮޕަރޭޝަންތަކުގައި ޑީޕޯޓް ކޮށްފައިވާ ބިދޭސީންގެ ތެރޭގައި ގަވާއިދާ ހިލާފަށް ވިޔަފާރިކުރާ މީހުންނާއި ޑޮކިއުމަންޓްތައް ފުރިހަމަ ނޫން މީހުން ގިނަ އަދަދަކަށް ހިމެނެ އެވެ. އަދި ހަށިވިއްކުމުގެ ވިޔަފާރި ފުޅާދާއިރާއެއްގައި ހިންގާ މީހުން ވެސް މިދިޔަ ނުވަ މަސް ތެރޭގައި ރާއްޖެ އިން ޑީޕޯޓްކޮށްފައިވެ އެވެ.
ގަވާއިދާ ހިލާފްވި 30 ބިދޭސީއަކު ޑީޕޯޓްކޮށްފި
ސްޕާތަކުގެ އިންސްޕެކްޝަންގައި 22 ތަނެއް ބަލައިފި
ސައިހޮޓާތަކެއްގައި ދިރިއުޅުނު ބިދޭސީން ހިފަހައްޓައިފި
އަރަފާތު ފޮނުވާލާނީ ތަހުގީގު ނިމުމުން: އިމިގްރޭޝަން
ޑީޕޯޓް ކުރާތީ ބިދޭސީން ދިވެހިންނާ ކައިވެނި ކުރަނީ!
ބިދޭސީން ދިރިއުޅޭ ތަންތަން ބަލަން އޮޕަރޭޝަނެއް ފަށައިފި
ޑޮލަރު ވިއްކާ ބިދޭސީންތަކެއް، ފައިސާ ލައްކައިން ހުރި
ބިދޭސީންގެ ފުޑް ފެކްޓްރީ ބަންދުކޮށް ދެ މީހަކު ބަންދަށް
ބިދޭސީން ފިލަން ދާތީ ރަށްރަށުގައި އޮޕަރޭޝަން ހިންގަނީ
އިމިގްރޭޝަންގެ ޓީމު ފެނުމާއެކު ދުއްވައިގަތީ ފިލަން!