ޕޭރޯލް/ބަލްކް ޓްރާންސްފާގެ ހިދުމަތަށް ވަގުތީ ބަދަލެއް

މުސާރަ އާއި ބޮޑެތި އަދަދުތައް އިންޓަނެޓް ބޭންކިން އާއި ފަވަރައިން ޕްރޮސެސްކުރުން މެދުކަނޑާލައިފި

03 އޯގަސްޓް 2024

ބީއެމްއެލް އިން ޕޭރޯލް އާއި ބަލްކް ޓްރާންސްފާ ކުރުމަށް އިންޓަނެޓް ބޭންކިން އަދި ފަވަރަ ބޭނުންކުރުން ވަގުތީ ގޮތުން ހުއްޓާލައިފި އެވެ.

ފާތިމަތު ޝަނާ މުހައްމަދު

ބޭންކުން ސޯޝަލް މީޑިއާގައި ބުނީ ބޮޑެތި އަދަދުތަކުން ޖަމާކުރުމަށް ދެން ރިކުއެސްޓް ކުރަން ޖެހޭނީ ކުރިން ވެސް އެކަން ކުރަމުން އައި ގޮތަށް، އީމެއިލް މެދުވެރިކޮށް ކަމަށެވެ. ބޭންކުން ބުނީ payroll@bml.com.mv އަށް މެއިލް ރިކުއެސްޓް ފޮނުވުމުން މުސާރަ އާއި ބޮޑެތި އަދަދުތައް ޖަމާކުރުން ޕްރޮސެސް ކުރާނެ ކަމަށެވެ.

We have temporarily stopped instant processing of payroll and bulk transfers via BML Internet Banking as well as bulk transfers via Favara.

We will continue to accept bulk and payroll processing requests sent via email to payroll@bml.com.mv
— Bank of Maldives (@bankofmaldives) August 3, 2024

ބީއެމްއެލް ޓްވީޓް

ބީއެމްއެލް އިން މި ބަދަލު ގެނައީ މިދިޔަ މަހުގެ މުސާރަ ޖަމާކުރި އިރު ލިލީ ބީޗްގެ ބައެއް މުވައްޒަފުންގެ އެކައުންޓަށް 77 ބިލިއަން ޑޮލަރަށްވުރެ ގިނައިން ޖަމާވި މައްސަލަޔަށް ފަހުގަ އެވެ. ބޭންކުން ކުރިން ބުނެފައިވާ ގޮތުގައި އެގޮތަށް ވިޔަސް އެއްވެސް ފައިސާއެއް ގެއްލިފައެއް ނުވެ އެވެ. އެ ހުރިހާ ޓްރާންސެކްޝަންތަކެއް ވަނީ ރިވާސްކޮށްފަ އެވެ.

މި މައްސަލާގައި އެ ބޭންކަށް މާލީ ގޮތުން އެއްވެސް ގެއްލުމެއް ވެފައި ނުވާ ކަމަށާއި މިކަން މެދުވެރިވީ ޕޭރޯލް ހެދުމުގައި ގެންގުޅުނު ބަލްކް ޕޭމަންޓް ސިސްޓަމަށް ގެނައި ބަދަލެއްގެ ސަބަބުން ހެދުނު ގޯހެއްގައި ކަމަށް ބުންޏެވެ.

Comments