Roadha Mihaaru
އިންޖީނުގެއަކަށް ބޭނުންވާ ހުރިހާ ސާމާނު ސްޓެލްކޯއިން!

އިންޖީނުގެއަކަށް ބޭނުންވާ ހުރިހާ ސާމާނެއް އެއްތަނަކުން ލިބޭ ފިހާރައެއް ސްޓެލްކޯ އިން ހުޅުވަނީ

10 ޖުލައި 2024

ކަރަންޓާ ގުޅޭ ހުރިހާ ސާމާނު ރާއްޖެ އިން ލިބޭނެ ފިހާރައެއް ހުޅުވުމަށް ސްޓެލްކޯ އިން ނިންމައިފި އެވެ.

ފާތިމަތު އަޖްފާން ފާތިމަތު އަޖްފާން

ކަރަންޓާ ގުޅޭ ހުރިހާ ސާމާނު ރާއްޖެ އިން ލިބޭނެ ފިހާރައެއް ހުޅުވުމަށް ސްޓެލްކޯ އިން ނިންމައިފި އެވެ.

އެ ފިހާރައިގެ ޝޯ ރޫމް ހަދަނީ ސްޓެލްކޯގެ މައި އިމާރާތުގެ ތިރީގައި މިހާރު ހުންނަ ފިހާރާއާ ޖެހިގެން އޮންނަ ހުސް ބިމުގަ އެވެ. ބޮޑުމިނުގައި 8،000 އަކަފޫޓު ހުންނާނެ އެ ޝޯރޫމަށް ވަދެވޭނީ އަމީނީ މަގުންނެވެ. ފޯކްލިފްޓަށް ވަދެވޭ ގޮތަށް ހަދައި އެ ޝޯރޫމްގެ ދޮރުމަތިން އެއްބައި ހަޖައްސާފައި ވަނީ ޕާކެއް ތަރައްގީ ކުރުމަށެވެ.

ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ އެ ތަނުގައި ހުންނަވައި "މިހާރު" އަށް ދެއްވި އިންޓަވިއުއެއްގައި ވިދާޅުވީ އެ ފިހާރަ އިން އިންޖީނުތަކާއި ޓްރާސްފޯމަރާއި ޕެނަލް ބޯޑާއި ކޭބަލް ލިބޭނެ ކަމަށެވެ.

"މި ތަނުން ވިއްކާނީ އެއް މެގަވޯލްޓް، ދެ މެގަވޯލްޓް، ތިން މެގަވޯލްޓް ވަރުގެ އިންޖީނު. ކޭބަލް ވެސް އެއީ ބޮޑެތި ސައިޒުގެ ކޭބަލް ލިބޭ ގޮތަށް ހުންނާނެ. މި ތަނުގެ މަތީގައި ހުންނަނީ ކޮންސަލްޓޭޝަން އިމާރާތަކާއި އޮފީސް އިމާރާތެއް،" އޭނާ ވިދާޅުވި އެވެ.

އެފަދަ ފިހާރައެއް ސްޓެލްކޯ އިން ހުޅުވުމަށް ނިންމީ އެހެން ބަޔަކަށް ބަރޯސާ ނުވެ، ރާއްޖޭގައި ކެޕޭސިޓީ އުފެއްދުމަށް ކަމަށް ވެސް ފަހުމީ ވިދާޅުވި އެވެ.

ސްޓެލްކޯގެ މެނޭޖިންގް ޑިރެކްޓަރު ހުސެއިން ފަހުމީ އެ ކުންފުނީގެ ޝޯރޫމް ހަދާ ބިމުގައި ހުންނަވައި "މިހާރު" އަށް މިއަދު އިންޓަވިއު ދެއްވަނީ.-- ފޮޓޯ: ނީޝާން އަލީ / މިހާރު

ސްޓެލްކޯގެ މެނޭޖިންގް ޑިރެކްޓަރު ހުސެއިން ފަހުމީ އެ ކުންފުނީގެ ޝޯރޫމް ހަދާ ބިމުގައި ހުންނަވައި "މިހާރު" އަށް މިއަދު އިންޓަވިއު ދެއްވަނީ.-- ފޮޓޯ: ނީޝާން އަލީ / މިހާރު

"އަޅުގަނޑުމެން މި ވިޔަފާރި ތެރެއަށް މި ވަންނަ ސަބަބަކީ އަޅުގަނޑުމެން އަތަކު މިހާރު ނެތް އަޅުގަނޑުމެން އަމިއްލަ އިންޖީނުގެއެއް އަނދައި ހުލިވިޔަސް ނުވަތަ ފެނަކައިގެ އިންޖީނުގެއެއް އަނދައި ހުލިވިޔަސް ނޫނީ ރިސޯޓެއްގެ ތަނެއް އަނދައި ހުލިވިޔަސް އިންޖީނުގެއެއް ބިލްޑް ކުރާނެ ކެޕޭސިޓީއެއް،" އެމްޑީ ވިދާޅުވި އެވެ.

"މިތަން ހުޅުވައި މިތަނުގައި މިތަނުން އެ ބޭނުންވާ ހުރިހާ ސާމާނެއް ހުރުމުން އިންޖީނުގެއެއް ހަލާކު ވިޔަސް ރައްޔިތުންނަށް ޔަގީންކަން ދެވޭނެ 24 ގަޑިއިރު ތެރޭގައި ހިދުމަތް ދޭން ފެށޭނެކަން. މިއީ ހާޑްވެއާތަކުން ކުރާ ވިޔަފާރިއެއް ނޫން. އާންމު ވިޔަފާރިވެރިން މި ކުރާ ވިޔަފާރިއެއް ނޫން މިއީ. މި ހިދުމަތާ އެކު އަޅުގަނޑުމެންނަށް މުޅި ތަން އަލުން އަޅައިގެން ވެސް ބޭނުންކުރަން ފެށޭނެ ފެންވަރު ހުންނަނާނެ."

ފަހުމީ ވިދާޅުވި ގޮތުގައި ރާއްޖޭގައި މިހާރު އެފަދަ ހާދިސާއެއް ހިނގައިފިނަމަ އެކަން ކުރާނެ ފެންވަރު ރާއްޖޭގައި ނެތް ކަމަށެވެ.

ސްޓެލްކޯގެ މެނޭޖިންގް ޑިރެކްޓަރު ހުސެއިން ފަހުމީ "މިހާރު" އަށް މިއަދު އިންޓަވިއު ދެއްވަނީ..-- ފޮޓޯ: ނީޝާން އަލީ / މިހާރު

ސްޓެލްކޯގެ މެނޭޖިންގް ޑިރެކްޓަރު ހުސެއިން ފަހުމީ "މިހާރު" އަށް މިއަދު އިންޓަވިއު ދެއްވަނީ..-- ފޮޓޯ: ނީޝާން އަލީ / މިހާރު

"ޓްރާންސްފޯމަރެއް ނެތް މިވަގުތު. ކޭބަލް ހުރީ ލިމިޓެޑް ކޭބަލް. މި އެއްޗެހިތައް ވިއްކުމަށާއި އަމިއްލަ ބޭނުންތަކަށް ހުރެއްޖެ ނަމަ އެ ގެޕް ފިލް ކޮށްލެވޭނެ. މިހާރު ހަމަ ހަގީގަތުގައި ވެސް ބޭނުންވަނީ އާމްދަނީ އިތުރުކުރުން. އެ ތަން ހަދައި އެ ތަނުން ބޮޑު ވިޔަފާރިއެއް ފަށަން ބޭނުން ވަނީ،" އޭނާ ވިދާޅުވި އެވެ.

ޝޯ ރޫމް އެޅުމުގެ ހުރިހާ މަސައްކަތެއްގައި ސްޓެލްކޯގެ ދިވެހި މުވައްޒަފުން

ފަހުމީ ވިދާޅުވީ އެ ތަނުގައި މިވަގުތު ކުރަމުންދާ މަސައްކަތަކީ ޝޯރޫމް އެޅުމުގެ މަސައްކަތް ކަމަށެވެ. އެ މަސައްކަތުގައި އުޅެނީ ސްޓެލްކޯގައި މިހާރު މަސައްކަތް ކުރާ މުވައްޒަފުން ކަމަށާއި އެކަމަށް އެހެން ތަނަކުން އެއްވެސް ބަޔަކު އައުޓްސޯސް ކޮށްގެން ގެނެސްފައި ނުވާނެ ކަމަށް އޭނާ ވިދާޅުވި އެވެ.

މިއީ ހާޑްވެއާތަކުން ކުރާ ވިޔަފާރިއެއް ނޫން. އާންމު ވިޔަފާރިވެރިން މި ކުރާ ވިޔަފާރިއެއް ނޫން މިއީ. މި ހިދުމަތާ އެކު އަޅުގަނޑުމެންނަށް މުޅި ތަން އަލުން އަޅައިގެން ވެސް ބޭނުންކުރަން ފެށޭނެ ފެންވަރު ހުންނަނާނެ."--- ފަހުމީ

"މި ހުރިހާ މަސައްކަތެއް މި ކުރަނީ އައުޓްސޯސް ނުކޮށް، ކުންފުނީގެ މުވައްޒަފުން. މިކަމަށް ހަމައެކަނި ދާ ހަރަދަކީ ތަން ހެދުމަށް ގަންނަން ޖެހޭ ސާމާނު ގަތުމަށް ދާ ހަރަދު އެކަނި،" ފަހުމީ ވިދާޅުވި އެވެ.

ސްޓެލްކޯގެ ޝޯރޫމް ހަދާ ބިމުގައި އެ ތަނުގެ މުވައްޒަފުން މަސައްކަތް ކުރަނީ..-- ފޮޓޯ: ނީޝާން އަލީ / މިހާރު

ސްޓެލްކޯގެ ޝޯރޫމް ހަދާ ބިމުގައި އެ ތަނުގެ މުވައްޒަފުން މަސައްކަތް ކުރަނީ..-- ފޮޓޯ: ނީޝާން އަލީ / މިހާރު

އެމްޑީ ވިދާޅުވި ގޮތުގައި، ބޭރުން ބަޔަކާ ހަހާލުކޮށްގެން އެތަން ހެދުމުގެ މަސައްކަތް ކުރާ ނަމަ އެއް އަހަރު ދުވަސްތެރޭ ނުނިމޭނެ އެވެ. ނަމަވެސް އެ ތަން ހެދުމުގެ މަސައްކަތް ފެށީ މިދިޔަ މޭ މަހުގެ ފަހުކޮޅު ކަމަށާއި ކުރިއަށް އޮތް ތިން މަސް ތެރޭ އެތަން މިހާރު ހުޅުވޭނެ ކަމަށް ލަފާކުރެވޭ ކަމަށް ވެސް ފަހުމީ ވިދާޅުވި އެވެ.

ފަހުމީ ވިދާޅުވީ ސްޓެލްކޯގެ މުވައްޒަފުން ލައްވައި އެ މަސައްކަތް ކުރުވަނީ އެ މުވައްޒަފުން ވަޒީފާ އިން ވަކި ނުކުރުވުމަށް ކަމަށެވެ.

"ބަޔަކު ކޮންމެ ވާހަކައެއް ދެއްކިޔަސް އަޅުގަނޑުމެންނެއް ތަފާތެއް ނުކުރާނަން. އެއްވެސް ކުލައެއް އެއްވެސް ފިކުރެއްގެ (މުވައްޒަފުން) ތަފާތު ނުކުރާނެ. މިއީ ސައްތައިން ސައްތަ ދިވެހިން އުޅޭ ކުންފުންޏެއް. އެއްވެސް މީހަކަށް ދެރަގޮތެއް ނުހަދާނެ. އެއްވެސް މުވައްޒަފަކު ކަނޑާލުމުގެ ވިސްނުމެއް ވެސް ނެތް،" އެމްޑީ ވިދާޅުވި އެވެ.

ފަހުމީ ވިދާޅުވީ ކަސްޓަމާ ކެއާގެ ހިދުމަތް ވެސް ފުޅާކުރަން ނިންމާފައިވާ ކަމަށެވެ. ސްޓެލްކޯގެ އިމާރާތުގައި މިހާރު ހުންނަ ފިހާރައާ އެއްކޮށްލައި ކަސްޓަމާ ކެއާއަށް މިހާރު ހާއްސަ ކޮށްފައިވާ ޖާގަ ބޮޑު ކުރުމަށް ނިންމާފައިވާ ކަމަށް އޭނާ ވިދާޅުވި އެވެ.