މިހާރު އުންމީދެއް ނެތް، މަރުހަބާ ލެވަކޫސަން: ޓުޗެލް

މިޔުނިކް (މާޗް 31) – ބޮރޫޝިއާ ޑޯޓްމަންޑް އަތުން ރޭ ވީ ބައްޔާ އެކު، ބެޔާން މިޔުނިކަށް ލީގު ހޯދުމުގެ ފުރުސަތެއް މިހާރު ނެތް ކަމަށް ބުނެ، އެ ޓީމުގެ ކޯޗު ތޯމަސް ޓުޗެލް ބެޔާން ލެވަކޫސަނަށް މަރުހަބާ ކިޔައިފި އެވެ.

އެ މެޗުން ބެޔާން ބަލިވުމުން، 13 ޕޮއިންޓްގެ ލީޑަކާ އެކު އެއްވަނައިގައި އޮތް ލެވަކޫސަން އަށް ލީގު ހޯދަން ދެން ބޭނުން ވަނީ ނުވަ ޕޮއިންޓެވެ.

ކަރީމް އަޑްޔަމީ އާއި ޖޫލިއަން ރަޔާސަން އެވެ. މިއީ ލީގުގައި ބެޔާން ބަލިވި ފަސް ވަނަ މެޗެވެ. ލެވަކޫސަން އެއްވެސް މެޗަކުން ބައްޔެއް ނުވެ އެވެ.

ޓުޗެލް ބުނީ، މިހާރު ބެޔާނަށް އެއްވެސް ފުރުސަތެއް ނެތް ކަމަށެވެ.

"އާނ ދެން ނުވާނެ. ދެން މިކަން ވާނެ އެއްވެސް ގޮތެއް އަހަންނަކަށް ނުފެނޭ،" މި ސީޒަނަށް ފަހު ބެޔާން ދޫކޮށްލާނެކަން އިއުލާންކޮށްފައިވާ ޓުޗެލް ބުންޏެވެ.

"މިއަދުގެ މެޗަށް ފަހު ދެން އިތުރަށް ބުނާނެ އެއްވެސް އެއްޗެއް ނެތް. ކިތަށް ޕޮއިންޓް ފަހަތުގައި އަހަރެމެން މިއޮތީ؟ 13 ޕޮއިންޓް.

"މަރުހަބާ ލެވަކޫސަން."

ޔޫރަޕްގައި މިހާރު އެންމެ ޑިމާންޑް ބޮޑު އެއް ކޯޗު ޒަބީ އޮލޮންސޯގެ ކޯޗުކަމުގެދަށުންގައި ލެވަކޫސަންއިން ކުޅުނު 39 މެޗުން އެ ޓީމު ބަލިވެފައެއް ނެތެވެ. އިއްޔެ ހޮފެންހައިމް އަތުން ފަހު ވަގުތު މޮޅުވީ 2-1 ންނެވެ.