ސިދާންތު އާއި ތުރިޕްތީ އަށް ކަރަންގެ ފިލްމެއް

ބޮލީވުޑްގެ އެކްޓަރު ސިދާންތު ޗަތުރްވޭދީ އާއި ތުރިޕްތީ ދިމްރީ އަށް ކަރަން ޖޯހަރްގެ ޕްރޮޑަކްޝަން ހައުސް، ދަރްމާ ޕްރޮޑަކްޝަންގެ ފިލްމަކުން ފުރުސަތު ލިބިއްޖެ އެވެ.

ރިޕޯޓްތައް ބުނި ގޮތުގައި، މި ފިލްމުގެ ނަމާއި ޕްލޮޓާއި ޑައިރެކްޓަރުންގެ މައުލޫމާތު އަދި ނޭނގެ އެވެ.

ސިދާންތު އެންމެފަހުން ފެނުނީ މިދިޔަ ޑިސެމްބަރު މަހު ނެޓްފްލިކްސް އިން ޕްރިމިއާ ކުރި "ކޯ ގައޭ ހަމް ކަހާން" އިންނެވެ. އެ ފިލްމަށް މާ ބޮޑު ތަރުހީބެއް ނުލިބުނެވެ. އޭނާ ދެން އެންމެ އަވަހަށް ފެންނާނީ މިހާރު ޝޫޓްކުރަމުން އަންނަ "ޔުދްރާ" އިންނެވެ.

ތުރިޕްތީ އެންމެފަހުން ފެނުނީ މިދިޔަ އަހަރު ނުކުތް ބޮލީވުޑްގެ އެންމެ ކާމިޔާބު އެއް ފިލްމު ކަމަށްވާ "އެނިމަލް" އިންނެވެ. "އެނިމަލް"ގައި ތުރިޕްތީ ކުޅުނު ރޯލުން ގިނަ ބަޔަކަށް އޭނާ އެނގި، ގިނަ ބައެއްގެ ލޯބި ވަނީ ލިބިފަ އެވެ.

އޭނާ މުހިންމު ރޯލުތައް ކުޅޭ ދެ ފިލްމެއް މި އަހަރު ސިނަމާތަކަށް އަންނާނެ އެވެ. އެއީ "މެރެ މެހެބޫބް މެރެ ސަނަމް" އާއި "ވިކީ ވިދްޔާ ކާ ވޯ ވާލާ ވީޑިއޯ" އެވެ.