ޝާހް އާ ފިލްމެއްގެ މަސައްކަތަށް ތައްޔާރު

އަންނަ އަހަރުގެ ކުރީކޮޅު ޝާހުރުކް ހާން އާ ފިލްމެއްގެ މަސައްކަތް ފަށާނެ ކަމަށް މީޑިއާތަކުން ރިޕޯޓުކޮށްފި އެވެ.

އަންނަ އަހަރު ކުރިއަށް ހުރި ޕްރޮޖެކްޓުތައް އޭނާ އަދި ހާމަކޮށްފައި ނުވިޔަސް މީޑިއާތަކުން ބުނެފައި ވަނީ ސޫޖޯއި ގޯޝްގެ އާ އެކްޝަން ތްރިލާ ފިލްމުގައި ޝާހް ފެންނާނެ ކަމަށެވެ. އަދި މި ފިލްމުގައި އޭނާ ފެންނާނީ އޭނާގެ ދަރިފުޅު ސުހާނާ ހާންއާ އެކު ކަމަށް ވެސް ރިޕޯޓުތައް ބުނެ އެވެ.

ޝާހްގެ އަންނަ އަހަރުގެ ޕްރޮޖެކްޓުތަކާ ގުޅޭ ގޮތުން މިހާތަނަށް ބުނެފައި ވަނީ އަންނަ އަހަރުގެ އޭޕްރިލް - މެއި ހިސާބުގައި އޭނާ އެންމެ އަވަހަށް ފެންނާނެ ފިލްމުގެ މަސައްކަތް ފަށަން ހަމަޖެހިފައިވާ ކަމަށެވެ. އަދި އެ ފިލްމުން އޭނާ ފެންނާނީ މެއިން ކެރެކްޓާގެ ގޮތުގައި ކަމަށާއި އެ ކެރެކްޓާ އޭނާގެ އުމުރާ ގުޅޭ ކެރެކްޓާއެއް ކަމަށް ޝާހް ވަނީ ބުނެފަ އެވެ. މީޑިއާތަކުން ބުނަނީ އެއީ ސޫޖޯއި ފިލްމުގެ ޝޫޓިން ކަމަށެވެ.

ޝާހް އާއި އޭނާގެ ދަރިފުޅު އުޅޭ ފިލްމަށް ކިޔަނީ "ކިންގް" ކަމަށް ބައެއް ރިޕޯޓުތައް ބުނެ އެވެ.