އާލިއާ އާއި ކްރިތީ އަށް އިންޑިއާގެ ގައުމީ ފިލްމު އެވޯޑު ލިބިއްޖެ

ބޮލީވުޑްގެ މަޝްހޫރު ތަރިން ކަމަށްވާ އާލިއާ ބަޓާއި ކްރިތީ ސެނަން އަށް އިންޑިއާގެ ގައުމީ ފިލްމު އެވޯޑު ލިބިއްޖެ އެވެ.

މިދިޔަ ބުރާސްފަތި ދުވަހު ބޭއްވި އިންޑިއާގެ 69 ވަނަ ގައުމީ ފިލްމު އެވޯޑުގައި 23 ބަހަކުން އުފައްދާފައިވާ 158 ނޮން ފީޗާ ފިލްމާއި 23 ބަހަކުން އުފައްދާފައިވާ 280 ފިލްމު ވާދަކުރި އެވެ. އެ އެވޯޑު ލިބުނު މީހުންގެ ނަންތައް އިއްޔެ ދިއްލީގައި ބޭއްވި ހަފުލާއެއް ވަނީ އިއުލާންކޮށްފަ އެވެ.

އެންމެ މުހިންމު އެވޯޑުތައް ލިބުނީ ދެކުނު އިންޑިއާގެ ސިނަމާގެ ފިލްމުތައް ކަމަށްވާ "ސަރުދާރު އުދަމް" އާއި "އާރުއާރުއާރު" އަދި ބޮލީވުޑްގެ ފިލްމު "ގަންގޫބާއި ކަތިއަވާޑި" އަށެވެ.

ފާހަގަކޮށްލެވޭ އެވޯޑުތައް

އެންމެ މޮޅު ފީޗާ ފިލްމު - ރޮކެޓަރީ: ދަ ނަންބީ އިފެކްޓް

އެންމެ މޮޅު އެކްޓްރެސް - އާލިއާ ބަޓް (ގަންގޫބާއި ކަތިއަވާޑި) އަދި ކްރިތީ ސެނޮން (މިމްމީ)

އެންމެ މޮޅު އެކްޓަރު - އައްލޫ އަރުޖުން (ޕުޝްޕާ: ދަ ރައިޒް)

އާންމުންގެ މެދުގައި އެންމެ މަގުބޫލު ފިލްމު - ދަ ކަޝްމީރު ފައިލްސ

އެންމެ މޮޅު ފިލްމު (އެންޓަޓެއިންމަންޓް ދާއިރާ) - އާރުއާރުއާރު

ސްޕިޝަލް ޖޫރީ އެވޯޑު - ޝޭރުޝާހް

އިންޑިއާގެ ގައުމީ އެވޯޑު މިފަހަރު ތަފާތު 70 އަށް ވުރެ ދާއިރާ އިން ވަނީ ދީފަ އެވެ.