ދިރާގު ބްރޯޑްބޭންޑް ކަސްޓަމަރުންނަށް ލިމިޓްލެސް ޑޭޓާ ބޫސްޓާއެއް

ދިރާގުގެ ފައިބާ ބްރޯޑްބޭންޑް ކަސްޓަމަރުންނަށް "ލިމިޓްލެސް" ޑޭޓާ އެލަވަންސެއް ލިބޭ ބޫސްޓާއެއް ތައާރަފްކޮށްފި އެވެ.

ސަތޭކަ ރުފިޔާ އަށް އެކްޓިވޭޓް ކުރެވޭ އެ ބޫސްޓާ ފައިބާ ބްރޯޑްބޭންޑްގެ ކޮންމެ ޕެކޭޖެއްގެ ކަސްޓަމަރަކަށް ވެސް ނެގޭނެ އެވެ. މިއީ ކަސްޓަމަރުންނަށް އެއްވެސް ހިފެހެއްޓުމެއް ނެތި ޑޭޓާ ފަސޭހައިން ލިބޭނެ މަގު ތަނވަސް ކޮށްދިނުމަށް ތައާރަފްކުރި ބޫސްޓާއެއް ކަމަށް ދިރާގުން ބުންޏެވެ.

އެ އޮފާގެ އިތުރުން ދިރާގުގެ ޕްރިޕެއިޑް ކަސްޓަމަރުންނަށް ސްޓްރީމިން އާއި ބްރައުޒިން އަދި ގޭމިން އަށް ހާއްސަކޮށް ލިމިޓެޑް ޓައިމް އޮފާއެއް ވެސް ވަނީ ތައާރަފު ކޮށްފަ އެވެ. މިއީ 601ރ. އަށް 125 ޖީބީގެ ޑޭޓާ 30 ދުވަހަށް ލިބޭ އެޑްއޮންއެކެވެ.

ދިރާގުން އަންނަނީ މި ސްކޫލް ޗުއްޓީއާ ދިމާކޮށް މިފަދަ އެކި ލިމިޓެޑް ޓައިމް އޮފާތައް ތައާރަފް ކުރަމުންނެވެ.