30 ޖެނުއަރީ 2023
ލަންޑަން (ޖެނުއަރީ 30) - ބެންފީކާ އާއެކު އެއްބަސްވުމަކަށް ނާދެވިގެން ޗެލްސީ އިން ގެނައުމުގެ މަސައްކަތް ހުއްޓާލި އާޖެންޓީނާގެ އެންޒީ ފެނާންޑޭޒް ހޯދަން އެ ކްލަބުން އަލުން މަސައްކަތް ފަށައިފި ކަމަށް މީޑީއާތަކުން ރިޕޯޓް ކޮށްފި އެވެ.
ލަންޑަން (ޖެނުއަރީ 30) - ބެންފީކާ އާއެކު އެއްބަސްވުމަކަށް ނާދެވިގެން ޗެލްސީ އިން ގެނައުމުގެ މަސައްކަތް ހުއްޓާލި އާޖެންޓީނާގެ އެންޒީ ފެނާންޑޭޒް ހޯދަން އެ ކްލަބުން އަލުން މަސައްކަތް ފަށައިފި ކަމަށް މީޑީއާތަކުން ރިޕޯޓް ކޮށްފި އެވެ.
މިދިޔަ އަހަރުގެ ވޯލްޑް ކަޕް ގައި އެންމެ މޮޅު ޒުވާން ކުޅުންތެރިޔާގެ މަގާމް ހޯދުމާ އެކު ޗެލްސީން ވަނީ އެންޒޯ ހޯދުމުގެ ރޭހަށް ވަނެވެ. ބެންފީކާގެ ޗެއާމަން ރުއީ ކޮސްޓާ އޭނާ ދޫކޮށްލަން ބޭނުން ނުވި ނަމަވެސް، އެންޒޯގެ ރިލީޒް ކްލޯސް ގެ ގޮތުގައި ހަމަޖައްސާފައިވާ 120 މިލިއަން ޔޫރޯ (131 މިލިއަން ޑޮލަރު) އެއްކޮށް ދައްކާފައި ކުޅުންތެރިޔާ ގެންދިޔުމުގެ ފުރުސަތު އޮތެވެ.
އެހެން ނަމަވެސް އެންޒޯ ހޯދުމުގެ މަސައްކަތް ހުއްޓާލީ ޗެލްސީ އިން ފަހު އޮފާގެ ގޮތުގައި 85 މިލިއަން ޔޫރޯ (92 މިލިއަން ޑޮލަރު) ހުށަހެޅުމުން ބެންފީކާ އިން އެކަމާ ދެކޮޅު ހެދުމުންނެވެ.
ޗެލްސީ އިން ވަނީ އެންޒޯ ގެ ބަދަލުގައި ބްރައިޓަން އަށް ކުޅޭ އެކުއެޑޯގެ މޮއީސެސް ކައިސޭޑޯ ހޯދަން ވެސް މަސައްކަތް ކޯށްފަ އެވެ. ނަމަވެސް ބްރައިޓަން އިން އޭނާ އަށް 100 މިލިއަން ޕައުންޑް (123.90 މިލިއަން ޑޮލަރު) ބޭނުންވާތީ ޗެލްސީ އިން އަލުން އެންޒޯ ހޯދަން މަސައްކަތް ފެށީ އެވެ.
ޗެލްސީ އިން މިފަހަރު ތިބީ އެންޒޯގެ ރިލީޒް ކްލޯސް ކަމަށްވާ 120 މިލިއަން ޔޫރޯ އެއްކޮށް ދައްކާފައި ޓްރާންސްފާ މާކެޓް ނިމުމުގެ ކުރިން އޭނާގެ ސޮއި ހޯދަން ތައްޔާރަށެވެ.
ޕޯޗުގަލްގެ ބައެއް މީޑިއާތަކުން ރިޕޯޓް ކުރާގޮތުގައި އެންޒޯ ޓީމުގައި ބަހައްތަން ބެންފީކާ އިން އަންނަނީ ރިލީޒް ކްލޯސްގެ އަގު 150 މިލިއަން ޔޫރޯ (163 މިލިއަން ޑޮލަރު) އަށް ބޮޑު ކުރަން ވެސް މަޝްވަރާ ކުރަމުންނެވެ. އަދި ރިޕޯޓްތައް ބުނާގޮތުން ޓީމުގައި ހުރެއްޖެ ނަމަ ބެންފީކާ އިން ލޯޔަލްޓީ ބޯނަހެއްގެ ގޮތުގައި އެންޒޯ އަށް 2 މިލިއަން ޔޫރޯ (2.17 މިލިއަން ޑޮލަރު) ވެސް ދޭން ހުށަހަޅައެވެ.
ކައިސޭޑޯ ހޯދަން މެންޗެސްޓާ ޔުނައިޓެޑާއި ލިވަޕޫލް ވެސް ޝައުގުވެރި ވާކަމަށް މީޑިއާތަކުން ރިޕޯޓް ކުރި ނަމަވެސް ލިވަޕޫލުން މި ޓްރާންސްފާ ބާޒާރުގައި ސްކޮޑަށް އިތުރު ބަދަލެއް ނުގެންނާނެ ކަމަށް އެޓީމުގެ ކޯޗު ޔާގެން ކްލޮޕް ވަނީ ރޭ ލިވަޕޫލް ކުޅުނު މެޗަށް ފަހު މީޑިއާގައި ހާމަ ކޮށްފަ އެވެ.
ކައިސޭޑޯ ހޯދުމުގެ ރޭހުގައި އެންމެ ކުރީގައި މިވަގުތު އުޅެނީ އާސެނަލް އެވެ. އެންމެ ފުރަތަމަ އާސެނަލް އިން އޭނާ އަށް 60 މިލިއަން ޕައުންޑް (74 މިލިއަން ޑޮލަރު) ހުށަހެޅުމުން ބްރައިޓަން އިން އެއްބަހެއް ނުވި އެވެ. އަދި ރޭގެ ވަގުތެއްގައި އެޑް-އޯންސް ގެ ގޮތުގައި އިތުރު 10 މިލިއަން ޕައުންޑާ އެކު 70 މިލިއަން ޕައުންޑް (87 މިލިއަން ޑޮލަރު) ގެ ޕެކޭޖެއް ހުށަހެޅި ނަމަވެސް އެ ހުށަހެޅުން ވެސް ބްރައިޓަން އިން ގަބޫލު ނުކޮށް އަނބުރާ ފޮނުވާލައިފި ކަމަށް ރިޕޯޓް ކުރެ އެވެ.
ލޯނު އުސޫލުން ސަންޗޯ ޗެލްސީއަށް، ސްޓާލިން އާސެނަލަށް
ޗެލްސީގައި އޮތް ހުރިހާ ގޯހެއް ނެރެ ދައްކައިފި
އާސެނަލްގެ ފަހަތުން ލިވަޕޫލް ވިއްދައިފި
ލީގުގެ ގަދަ ފަހެއްގެ މެދުގައި ތިން ޕޮއިންޓުގެ ފަރަގެއް
ސެޕްޓެމްބަރުގެ ފުރަތަމަ ގޯލުން ޗެލްސީއަށް މޮޅެއް
ޗެލްސީ ގޯހުން ގޯހަށް، އާސެނަލް ހުއްޓުވީ ސޮން
ޗެލްސީ ބަލިކޮށް އާސެނަލް އަށް ވަގުތީ ހިތްހަމަޖެހުމެއް
އާޓެޓާ ބުނީ އަދިވެސް ލީގު ތައްޓަށް ވާދަކުރާ ކަމަށް
ޓްރޮސާޑް އާސެނަލަށް، ޗެލްސީއަށް ޕީއެސްވީ ކުޅުންތެރިއެއް
އާސެނަލް ކުރިއަށް، މޮޅަކާއެކު ޗެލްސީއަށް ހިތްހަމަޖެހުން