"މިހާރު"ގެ ފަސް ނޫސްވެރިއަކަށް އެވޯޑް

މޯލްޑިވްސް މީޑިއާ ކައުންސިލުން ނޫސްވެރިންނަށް ކޮންމެ އަހަރަކު ދޭ ނޫސްވެރިކަމުގެ އިނާމް، "މިހާރު"ގެ ފަސް ނޫސްވެރިއަކަށް ރޭ ލިބިއްޖެ އެވެ.

އެގާރަ ދާއިރާ އަކުން އެވޯޑު ދިން އިރު، އޭގެ ތެރެއިން ގާތްގަނޑަކަށް ހުރިހާ ކެޓަގަރީއެއްގައި "މިހާރު"ގެ ނޫސްވެރިން ގަދަ ތިނެއްގައި ވާދަކުރި އެވެ. އަދި އެންމެ ގިނަ އެވޯޑު ހޯދި ނޫހަކަށް "މިހާރު" ވި އެވެ.

އެވޯޑު ލިބުނު "މިހާރު"ގެ ނޫސްވެރިންނާއި ދާއިރާތައް:

- ސިޔާސީ ދާއިރާ - ފަޒީނާ އަހުމަދު

- އިޖުތިމާއީ ދާއިރާ - މުހައްމަދު ހަމްދޫން

- ފޮޓޯ ޖާނަލިޒަމް - ނިޝާން އަލީ

- ފީޗާ ލިޔުމުގެ ދާއިރާ - ނަޖާހް މަސްއޫދު

- އަހަރުގެ އުންމީދީ ނޫސްވެރިޔާ - އާލިމް އަބްދުއްލަތީފު

މީގެ ތެރޭގައި، ބައެއް ނޫސްވެރިންނަށް އެވޯޑު ލިބިފައި ވަނީ، އެ ނޫސްވެރިން ކުރިން މަސައްކަތް ކުރި ތަންތަނުގައި ލިޔެފައި ހުރި އެއްޗިއްސަށެވެ.

އެމްއެމްސީން މި އެވޯޑު ދޭތާ 11 އަހަރު ވީއިރު، "މިހާރު" އަކީ ކޮންމެ އަހަރަކުހެން ވެސް އެންމެ ގިނަ އެވޯޑު ހޯދަމުން އަންނަ މީޑިއާ އެވެ. "މިހާރު"ގެ ނޫސްވެރިން ވަނީ ވަރަށް ގިނަ އަހަރުތަކުގައި، އަހަރުގެ މޮޅު ނޫސްވެރިޔާގެ މަގާމު ވެސް ހޯދައިފަ އެވެ.