ހިޓާޗީ ދޮވެހިއްކާ ޕްރޮމޯ: އެސްޓީއޯއިން ވިއްކާ ހިޓާޗީ ދޮންނަ މެޝިނަކުން 10 ޕަސެންޓްގެ ޑިސްކައުންޓެއް

އެސްޓީއޯ ޕީޕަލްސް ޗޮއިސް އިން ވިއްކާ ހިޓާޗީ ބްރޭންޑްގެ ދޮންނަ މެޝިނަކުން 10 ޕަސެންޓްގެ ޑިސްކައުންޓް ލިބޭ ޕްރޮމޯޝަނެއް ފަށައިފި އެވެ.

"ހިޓާޗީ ދޮވެހިއްކާ ޕްރޮމޯ" ގެ ނަމުގައި އިއްޔެ ފެށި އެ ޕްރޮމޯޝަން ކުރިއަށް ދާނީ އަންނަ ނޮވެމްބަރު މަހުގެ ފަސް ވަނަ ދުވަހުގެ ނިޔަލަށެވެ.

އެސްޓީއޯ އިން ބުނީ ގަންނަ ކޮންމެ މެޝިނަކާއެކު، ޕާސިލް ބްރޭންޑުގެ ޑިޓާޖެންޓް ތިން ފުޅި ވެސް މި ޕްރޮމޯޝަންގެ ދަށުން ހިލޭ ލިބޭނެ ކަމަށެވެ.

މި ޕްރޮމޯޝަންގެ ދަށުން ހިޓާޗީ މެޝިން ގަންނައިރު، ކޮންމެ 1000 ރުފިޔާއަކަށް ކޫޕަނެއް ލިބޭނެ އެވެ.

ޕްރޮމޯޝަންގެ ބައިވެރިންގެ ތެރެއިން ގުރައަތު ނަގައިން އެއް ވަނަ އަށް ދާ ފަރާތަކަށް ހިޓާޗީ ފްރިޖެއް ލިބެ އެވެ. ދެވަނަ އަށް 12000 ބީޓީޔޫ ގެ އޭސީއެއް ލިބޭއިރު، ތިން ވަނަ އަށް ދޭން ނިންމާފައިވަނީ ހިޓާޗީ ޝަވަ ހީޓަރަކާއި 32 އިންޗި ޓީވީއެކެވެ.

ކޮންމެ ހަފްތާއަކު ވެސް ޕްރޮމޯޝަންގެ ބައިވެރިންގެ މެދުގައި ގުރުއަތު ނެގޭނެ ކަމަށާއި، ގުރުވަތުން ހޮވޭ ހަތް ފަރާތަކަށް ހިޓާޗީ ވެކިއުމް ކްލީނަރެއް ލިބޭނެ ކަމަށް އެސްޓީއޯ އިން ބުންޏެވެ.