24 އޯގަސްޓް 2022
ހއ. ހޯރަފުށީ ހެލްތު ސެންޓަރަށް ގެންދިޔަ ކުއްޖަކަށް ފަރުވާދޭން އިންކާރުކުރި ޑޮކްޓަރު ސަސްޕެންޑް ކޮށްފައިވާ ކަމަށް އެ ސެންޓަރުން މިއަދު ބުނެފި އެވެ.
ހއ. ހޯރަފުށީ ހެލްތު ސެންޓަރަށް ގެންދިޔަ ކުއްޖަކަށް ފަރުވާދޭން އިންކާރުކުރި ޑޮކްޓަރު ސަސްޕެންޑް ކޮށްފައިވާ ކަމަށް އެ ސެންޓަރުން މިއަދު ބުނެފި އެވެ.
ނައިޖީރިޔާގެ އެ ޑޮކްޓަރު ސަސްޕެންޑް ކުރީ އިއްޔެ ރޭ ވަރަށް ބޮޑަށް ހުން ގަދަވެގެން އޭނާ އަށް ދައްކަން ދިޔަ އުމުރުން އެއް އަހަރުގެ ކުއްޖަކަށް ފަރުވާދިނުން ލަސްކުރި މައްސަލަ ކުއްޖާގެ ބައްޕަ ސޯޝަލް މީޑިއާގައި އާންމުކުރި ފަހުންނެވެ. އެއާއެކު، ގިނަ ބަޔަކު ވަނީ އެކި ދުވަސްމަތިން ހެލްތު ސެންޓަރުގެ ކޮޓަރީގައި އެ ޑޮކްޓަރު ނިދާފައި އޮންނަ ފޮޓޯތައް ސޯޝަލް މީޑިއާގައި އާންމުކޮށްފަ އެވެ.
އެ މައްސަލަ ހޫނުވުމުން، ޑޮކްޓަރު އިއްޔެއިން ފެށިގެން ހުރީ ސަސްޕެންޝަނުގައި ކަމަށް ހެލްތު ސެންޓަރުގެ ވެރިޔާ އިބްރާހިމް ރަޝީދު ވިދާޅުވި އެވެ.
އޭނާ ވިދާޅުވި ގޮތުގައި އެ ޑޮކްޓަރުގެ އިތުރުން ވެސް މިސްރުގެ ޑޮކްޓަރަކު އެ ހެލްތު ސެންޓަރުގައި މަސައްކަތް ކުރެ އެވެ. އެކަމަކު މި ވަގުތު އެ ޑޮކްޓަރު ރޯގާ ޖެހިގެން އުޅޭތީ، ހދ. ކުޅުދުއްފުށީގައި މަސައްކަތް ކުރަމުން އަންނަ ޕާކިސްތާނުގެ ޑޮކްޓަރަކު ހޯރަފުށި ސެންޓަރަށް ގެންގޮސް ބަލި މީހުން ބަލަން ފަށާފައިވާ ކަމަށް ރަޝީދު ވިިދާޅުވި އެވެ.
ބަލި މީހުން ނުބަލައި ޑޮކްޓަރު ނިދާ މައްސަލައާ ގުޅިގެން އޭނާ ސަސްޕެންޑްކުރިއިރު، އެކި ދުވަސް މަތިން ޑޮކްޓަރު ކޮޓަރީގައި މޭޒުގައި ބޯ އަޅާލައިގެން ނިދަން އޮންނަ ފޮޓޯތަކުން ފެންނަ ގޮތުގައި ބަލި މީހުން ކައިރީގައި ތިބޭ ވަގުތު ވެސް އޭނާ އޮންނަނީ މޭޒުގައި ބޯއަޅައިގެން ލޯމަރައިގެންނެވެ.
ޑޮކްޓަރުގެ މައްސަލަ އިއްޔެ ފެންމަތިވުމުގެ ކުރިން ވެސް ގިނަ ޝަކުވާތަކެއް އެ ޑޮކްޓަރާ ގުޅިގެން ލިބި، އޭނާ އަށް ނޯޓިސް ވެސް ދިން ކަމަށް ރަޝީދު ވިދާޅުވެ އެވެ.
ހޯރަފުށީގައި ހުރި ޑޮކްޓަރު "އަބަދު ނިދާފައި"!
ހުމާ އޮތް ކުއްޖަކު ނުބަލައި ޑޮކްޓަރު އޮތީ އަރާމުކުރަން
ހޯރަފުށީ ޑޮކްޓަރެއްގެ ލައްކައެއްހާ ރުފިޔާ ވަގަށްނަގައިފި
އުތުރު ގޭޓްވޭއިން އެމްޕީއެލް މުއްސަނދި ކުންފުންޏަކަށް
ރާއްޖޭގައި އިންޓަނޭޝަނަލް ބަންކަރިންގެ ހިދުމަތް ފަށައިފި
ބޯކޯ ހަރާމްއިން ނައިޖީރިއާގައި 80 މީހުން މަރާލައިފި
ބަންގްލަދޭޝްގައި ޑޮކްޓަރުން މުޒާހަރާކުރަނީ
ބަންގްލަދޭޝްގައި ދިވެހި ދެ ޑޮކްޓަރަކަށް ހަމަލާދީފި
ދިވެހި ޑޮކްޓަރުން ކާޑިއެކް ސެންޓަރު ހިންގަން ފަށަނީ
އަސަދު: ދުވަސްވީ ތަދުތަކަށް ހާއްސަ ފުރަތަމަ ޑޮކްޓަރު