ސައިލޯ ތްރީޑީ: މި ދެ ޒުވާނުން 'ޕްރިންޓްކުރި' ހިޔާލު

ހިޔާލެއް ޕްރިންޓްކުރެވިދާނެ ހެއްޔެވެ؟ މި ޒަމާނުގައި މިއީ ހަމަ ފެންމެޓައެއް ކަހަލަ ކަމެކެވެ. އަދި މުހައްމަދު ނާއިލް އާއި މުހައްމަދު އަރުޝަދު އެމީހުންގެ ކުޑަކުޑަ ވިޔަފާރި ބްރޭންޑް 'ސައިލޯ ތްރީޑީ" ގެ ނަމުގައި ކޮންމެ ދުވަހަކު ސާބިތުކޮށްދެމުން އެ ގެންދަނީ މިކަމެވެ. 'ހިޔާލުުތައް' ޕްރިންޓްކޮށް އަތަށް، އުނގަށް ގެނެސްދީގެންނެވެ.

މީގެ އަހަރެއްހާ ދުވަސް ކުރިން މި ދެ އެކުވެރިން ފެށި 'ސައިލޯ ތްރީ ޑީ" އަކީ ތްރީޑީ ޕްރިންޓިންގެ ހިދުމަތްދޭ ސްޓާޓަޕެކެވެ. އަދި ފަހަރުގައި މި ދެ ޒުވާނުންނަކީ މިގޮތަށް މިފަދަ ހިދުމަތެއް މާލޭގައި ދެމުން އަންނަ އެންމެ ހުނަރުވެރި ދެ މީހުން ވެސްމެއެވެ.

ޕްރޮފެޝަނަލް ލައިފްގައި ދެ މީހުންގެ ހިތް ވެސް އޮތީ ޕައިލެޓް ލައިސަންސް އަށް ހުސްވެފައެވެ. ނަމަވެސް ދެ މީހުންގެ ވެސް ހިތް އޮތީ ތްރީޑީން ޕްރިންޓްކޮށް އެމީހުންގެ ކުޑަކުޑަ މި ވިޔަފާރި ބްރޭންޑަށް ހަދިޔާކޮށްފައެވެ.

"އަ ކަވި ކްރާފްޓް ލޯކަލް" ގެ މިފަހަރުގެ އެޕިސޯޑްގައި އެހެންވީމަ މި ދެ ޒުވާނުންގެ މި ވާހަކައެވެ.