އަޑިއަށް ދާ ކަމުގެ ރިޕޯޓް ލިބުނު ދޯންޏަކާއި ތިން މީހަކު ގެއްލިގެން ހޯދަނީ

ވ. ފުއްސަރު ކައިރިން އަޑިއަށްދާ ކަމުގެ ރިޕޯޓް ރޭ ލިބުނު ދޯންޏަކާއި އެ ދޯނީގައި ތިން މީހުން ގެއްލިގެން އެމްއެންޑީއެފް ކޯސްޓް ގާޑުން ހޯދަން ފަށައިފި އެވެ.

ކޯސްޓް ގާޑުން ބުނީ، ފ. ފީއަލި ކައިރިން ފުރައިގެން މާލެ އަށް ދަތުރުކުރި "އަލަމާ-5" ފުއްސަރުގެ ހުޅަނގު ދެކުނުން ހަތަރު ވަރަކަށް ނޯޓިކަލް މޭލާ ހިސާބުން ދިޔަވެ އަޑިއަށްދާ ކަމުގެ މައުލޫމާތު ލިބުނީ ރޭގެ 11:23 ހާއިރު ކަމަށެވެ.

އެ ދޯނީގައި ތިބީ ތިން މީހަކު ކަމަށާއި ދޯނި ދަތުރުކުރަމުން ދިޔައީ ފީއަލި ކައިރިން ފާނައިގެ މަސްވެރިކަން ކުރާ މީހުންގެ އަތުން ފާނަ ގަނެގެން މާލެ އަށް ކަމަށް އެމްއެެންޑީއެފުން ބުނެ އެވެ.

"މި އުޅަނދުފަހަރާއި މީހުން ހޯދުމަށްޓަކައި އެމްއެންޑީއެފް ކޯސްޓް ގާޑުން މިހާރު ަނީ ހަރަކާތްތެރިވަމުންނެވެ،" އެމްއެންޑީއެފުން މިއަދު ހެނދުނު މީޑީއާއާ ހިއްސާކުރި މެސެޖެއްގައި ވެ އެވެ.