ސައިކަލު ނަމްބަރު ޕްލޭޓެއްގެ މައްސަލައިގައި ވިކީ ޕޮލިހަށް

03 ޖެނުއަރީ 2022

ފިލްމެއްގައި ޝޫޓިންގައި ބޮލީވުޑްގެ އެކްޓަރު ވިކީ ކޯޝަލް ބޭނުންކުރި ސައިކަލެއްގެ ނަމްބަރު ޕްލޭޓަކީ ގަވައިދާ ހިލާފަށް ބޭނުންކޮށްފައިވާ އެއްޗެއް ކަމަށް ބުނެ އެ މައްސަލަ ފުލުހުންނަށް ރިޕޯޓުކޮށްފި އެވެ.

އަހުމަދު އަދްޝަން

ވިކީ އާއި ސާރާ އަލީ ޚާން އެކީގައި ކުޅޭ މި ފިލްމުގެ ޝޫޓިންގެ ތެރެއިން ދެ ތަރިން ސައިކަލް ދުއްވާ މަންޒަރު ފެންނަ ފޮޓޯއެއް ވެސް ސޯޝަލް މީޑިއާގައި އާންމުވެފައިވެ އެވެ. މި މައްސަލަ ފުލުހުންނަށް ހުށަހެޅި މީހާ ބުނީ ވިކީ އާއި ސާރާ ދުއްވާ ތަން ފެންނަ ސައިކަލުގައި ޖަހާފައި އިނީ އޭނާގެ އަމިއްލަ ސައިކަލުގެ ނަމްބަރު ކަމަށާއި އެފަދަ ގޮތަކަށް އެކަން ހިނގައި ދިޔައީ ކިހިނެއްކަން ނޭނގޭ ކަމަށެވެ.

Bollywood Actors Vicky Kuashal And Sara Ali Khan Spotted On A Bike In Roads Of Indore: Video Goes Viral On The Internet#SaraAliKhan #VickyKaushal #Indore #lukachuppi2 #MadhyaPradesh https://t.co/1u8ZOjQtg5 pic.twitter.com/MS3UotBOmh
— TheNewzTub (@thenewztub) December 27, 2021

އެހެންވެ، ވެހިކަލެއްގެ ނަމްބަރު ޕްލޭޓް ބޭނުންކޮށްފައި ވަނީ ގާނޫނާއި ގަވައިދާ ހިލާފަށް ކަމަށް ބުނެ އެ މައްސަލަ ބަލައިދޭން އޭނާ ވަނީ ހުށަހަޅައިފަ އެވެ. މި މައްސަލަ އިންޑިއާގެ އިންދޯރު ސިޓީގެ ފުލުހުން މިހާރު އަންނަނީ ތަހުގީގުކުރަމުންނެވެ.

Vehicle number used in the movie sequence is mine; don't know if the film unit is aware of it...This is illegal, can't use my number plate without permission. I have given a memorandum at the station. Action should be taken in the matter: Complainant Jai Singh Yadav (1.1.22) pic.twitter.com/CkpZBVUndu
— ANI (@ANI) January 1, 2022

"މީހެއްގެ ހުއްދަ ނެތި އެ މީހެއްގެ އުޅަނދެއްގެ ނަމްބަރު ޕްލޭޓެއް އެހެން ބަޔަކަށް ބޭނުމެއް ވެސް ކުރެވިގެން ނުވާނެ." އެމީހާ ބުންޏެވެ.

We received a complaint, will see whether number plate was misused. Action to be taken as per provisions in Motor Vehicle Act. If film unit is in Indore, will try probing them:Rajendra Soni,SI,Banganga on an allegedly fake no. plate used in a movie sequence by actor Vicky Kaushal pic.twitter.com/laCIBbEWML
— ANI (@ANI) January 1, 2022

އިންދޯރުގައި ޝޫޓްކުރާ ވިކީ އާއި ސާރާގެ ފިލްމާ ބެހޭ އެއްވެސް ތަފުސީލެއް ހާމަކޮށްފައެއް ނުވެ އެވެ. އެކަމަކު މި ފިލްމަކީ މިދިޔަ އަހަރު "މިމީ" ގެނެސްދިން ލަކްޝްމަން އުތޭކަރު ޑައިރެކްޓްކޮށް، ދިނޭޝް ވިޖަން ޕްރޮޑިއުސްކުރާ ފިލްމެއް ކަމަށް މީޑިއާތަކުން ބުނެ އެވެ.

ކައިވެންޏަށް ފަހު ވިކީ ފިލްމީ މަސައްކަތްތަކަށް ފެށި އިރު، އޭނާ އާއި ކެޓްރީނާ ކައިފް ކައިވެނިކުރީ މިދިޔަ މަހުގެ 9 ގަ އެވެ.