އެއްވެސް ފީއެއް ނުނަގައި ދިރާގު ޓީވީ ގުޅައިދެނީ

އެއްވެސް ފީއެއް ނުނަގައި ދިރާގު ޓީވީ ގުޅައިދޭ ޕްރޮމޯޝަނެއް އެ ކުންފުނިން ފަށައިފި އެވެ.

އަންނަ ނޮވެމްބަރު މަހުގެ ނިޔަލަށް ކުރިއަށްގެންދާ މި ޕްރޮމޯޝަންގެ ދަށުން ދިރާގު ޓީވީ ހިލޭ ގުޅައިދޭނީ ދިރާގު ފިކްސްޑް ބްރޯޑްބޭންޑް ކަސްޓަމަރުންނަށެވެ. މި ޕްރޮމޯޝަނުގެ މުއްދަތުގައި ޖޯއި ބޮކްސް ވެސް ހިލޭ ލިބޭނެ އެވެ.

މި ޕްރޮމޯޝަނާ އެކު ހާއްސަ ލަކީޑްރޯއެއް ވެސް ދިރާގުން ކުރިއަށްގެންދާނެ އެވެ. ދިރާގު ޓީވީގެ ހިދުމަތަށް އެދޭ ކަސްޓަމަރުންގެ ތެރެއިން ގުރުއަތުން ހޮވޭ މީހަކަށް ސެމްސަންގެ އެންމެ ފަހުގެ ޒީ ފޯލްޑް 3 ލިބޭނެ އެވެ.

މީގެ އިތުރުން ދިރާގު ޓީވީގެ ސްޓާޓާ ޕެކް ނަގާ ކަސްޓަމަރުންގެ ތެރެއިން ގުރުއަތުން ހޮވާލެވޭ 10 މީހަކު ޕެކޭޖުގެ ހަ މަސްދުވަހުގެ ފީ ދައްކަން ނުޖެހޭނެ އެވެ.

ދިރާގު ޓީވީއަކީ 100 އަށްވުރެ ގިނަ ޗެނަލް ހިމެނޭ ރާއްޖޭގައި އެންމެ ފުޅާދާއިރާއެއްގައި ފޯރުކޮށްދޭ އައިޕީޓީވީގެ ހިދުމަތެވެ. ކޮލިޓީ އަދި އަގުގައި ތަފާތު ކުރުމެއްނެތި ދިރާގުން ވަނީ މިހާތަނަށް ރާއްޖޭގެ 77 ޕަސެންޓު ގޭބިސީއަށް މި ހިދުމަތް ފޯރުކޮށްދީފަ އެވެ.