ހަތަރު މައިިންގެ ބޮލުގައި ވެސް އެއް ތަނެއްގައި ހުދު އިސްތަށިކޮޅެއް

އެމެރިކާގެ ސައުތު ކެރޮލައިނާގައި ދިރިއުޅޭ 23 އަހަރުގެ ބްރިއެނާ ވާތީ އާއި އޭނާގެ 18 މަހުގެ އަންހެން ދަރިފުޅު މިލިއެނާ ނިތްކުރީގައި އިންނަ ހުދު ލަފަކީ އާއިލީ ނިޝާނެކެވެ. އުފަންވި އިރު ވެސް މި ދެ މައިންގެ ކިބާގައި ހުރި މި ނިޝާނަށް ދުނިޔޭގެ ސަމާލުކަން ލިބުނެވެ. އެ ސިފަ ހާއްސަވަނީ މަންމަ، މާމަ އަދި މުނިމާމަގެ ވެސް މި ލަފު އެގޮތަށް ހުންނާތީވެ އެވެ.

"ބޭރަށް ނިކުމެއްޖެ ނަމަ މީހުން ވަރަށް ގިނައިން ހުއްޓުވައި މި ލަފާ ބެހޭ ގޮތުން ސުވާލުކުރާނެ،" ބްރިއެނާ ބުނެފައިވެ އެވެ. "މީހުން އަހާ ސުވާލުތަކަށް ޖަވާބު ދެވޭތޯ ބަލަން. އެކަމަކު ބައެއް ފަހަރު އުނދަގޫވޭ."

ބްރިއެނާގެ އާއިލާ މެމްބަރުންގެ ނިތްކުރިއާ ދިމާލުން ބޮލު ތެރޭގައި ހުދު ލަފެއް ޖަހަނީ "ޕޮލިއޮސިސް"ގެ ސަބަބުންނެވެ. އެއީ އިސްތަށިގަނޑުގެ ފޮލިކްލްސްއިން މެލަނިން މަދުވުމުގެ ސަބަބުން އިސްތަށިގަނޑުގެ އަސްލު ކުލަ ވެއްޓުމުންނެވެ.

ބްރިއެނާ ބުނިގޮތުގައި މި ލަފު މިގޮތަށް ޖެހިފައި ވަނީ އޭނާގެ މާމަގެ އިތުރުން، އާއިލާގެ ކިތައް މީހުންނަށްކަމެއް ނޭނގެ އެވެ.

ބްރިއެނާ ބުނިގޮތުގައި އޭނާގެ ދަރިފުޅުގެ ޕޮލިއޮސިސް ހުރުމުން އެއީ އުނިކަމެއްގެ ގޮތުގައި ނުދެކެ އެވެ. ބްރިއެނާ ސްކޫލުގައި އުޅުނު އިރު ބައެއް ކުދިން އޭނާ އަށް މަލާމާތް ކުރި ނަމަވެސް އެކަމާ ދެރަ ނުވާ ކަމަށާއި ހުދު ލަފަކީ ހާއްސަ ކަމެއްގެ ގޮތުގައި އަބަދުވެސް ގަބޫލުކުރި ކަމަށް ވެސް ބުންޏެވެ.

ބްރިއެނާ އެދެނީ އޭނާގެ ދަރިފުޅު ވެސް މިއީ އުނިކަމެއްގެ ގޮތުގައި ނުދެކި، ހާއްސަ ކަމެއްގެ ގޮތުގައި ބަލައިގަންނަ ކުއްޖަކަށް ވުމަށެވެ.