ޕްރިޔަންކާގެ "ވީ ކޭން ބީ ހީރޯސް" ގެ އިތުރު ބައެއް

06 ޖެނުއަރީ 2021

މިދިޔަ މަހު ނެޓްފްލިކްސް އިން ޕްރިމިއާކުރި ޕްރިޔަންކާ ޗޯޕްރާގެ ސުޕަހީރޯ ފިލްމު "ވީ ކޭން ބީ ހީރޯސް" ގެ އިތުރު ބައެއް ހަދަން ނިންމައިފި އެވެ.

އަހުމަދު އަދްޝަން

މިކަން ޓްވިޓާގައި ހާމަކޮށް އިންޑިއާގެ ބަތަލާ ބުނީ ފިލްމު އިތުރު ބަޔަކަށް ދަންމާލަން ނިންމާފައިވާތީ އޭގެ ޓީމުން އެ މަސައްކަތް މިހާރު ކުރަމުން އަންނަ ކަމަށެވެ. ބެލުންތެރިންގެ މެދުގައި މާ ބޮޑު "ހައިޕެއް" ނެތް "ވީ ކޭން ބީ ހީރޯސް" އަކީ ރޮބަޓް ރޮޑްރިގޭޒް ޑައިރެކްޓްކުރި ފިލްމެކެވެ. އަދި މި ފިލްމަކީ އޭނާ 2005 ގައި ގެނެސްދިން "ދި އެޑްވެންޗާޒް އޮފް ޝާކްބޯއި އެންޑް ލާވާގާލް 3-ޑީ" އިތުރު ބައެއްގެ ގޮތުގައި ގެނެސްދިން ފިލްމެކެވެ.

ގިނަ އަދަދެއްގެ ކުޑަކުދިން ވެސް ކާސްޓްގައި ހިމެނޭ "ވީ ކޭން ބީ ހީރޯސް" ގެ މަޝްހޫރު ތަރިންގެ ތެރޭގައި ޕެޑްރޯ ޕާސްކަލް، ބޯއިޑް ހޮލްބްރޫކް އަދި ކްރިސްޓިއަން ސްލޭޓާ ހިމެނެ އެވެ.

Heroics Headquarters projection: 44 MILLION FAMILIES will have suited up for WE CAN BE HEROES in its first 4 weeks!! And….BREAKING NEWS: The Heroics are coming back for round two. Sequel is in development with @rodriguez and @Netflix! #WeCanBeHeroes pic.twitter.com/vF1RJY1Aaq
— PRIYANKA (@priyankachopra) January 5, 2021

ޕްރިޔަންކާގެ ކުރިއަށް ހުރި ހޮލީވުޑް ފިލްމުތަކުގެ ތެރޭގައި މިހާރު ޝޫޓިން ވެސް ފަށާފައި އޮތް "މެޓްރިކްސް 4" އާއި "ޓެކްސްޓް ފޯ ޔޫ" ހިމެނެ އެވެ.

ޕްރިޔަންކާ އާއި ބޮލީވުޑްގެ އެކްޓަރު ރާޖްކުމާރު ރާއޯ މުހިއްމު ރޯލުތައް ކުޅެފައިވާ ފިލްމު "ދަ ވައިޓް ޓައިގާ" މި މަހުގެ 22 ގައި ނެޓްފްލިކްސް އިން ޕްރިމިއާކުރާނެ އެވެ.

އޭނާ އެންމެ ފަހުން ކުޅުނު ހިންދީ ފިލްމަކީ 2019 ގެ "ދަ ސްކައި އިޒް ޕިންކް" އެވެ.