ހަނގުރާމަ އަށް ދިޔަ ދިވެއްސަކު ރާއްޖެ އައުމުން ހައްޔަރުކޮށްފި

15 އޮކްޓޯބަރ 2020

ހަނގުރާމަ އަށް ދިޔަ ކަމަށް ތުހުމަތު ކުރެވޭ ދިވެއްސަކު ރާއްޖެ އައުމުން މިއަދު ހައްޔަރުކޮށްފި އެވެ.

މުއިއްޒު އިބްރާހިމް

ހަނގުރާމަ އަށް ދިޔަ ކަމަށް ތުހުމަތު ކުރެވޭ ދިވެއްސަކު ރާއްޖެ އައުމުން މިއަދު ހައްޔަރުކޮށްފި އެވެ.

ޕޮލިސް ކޮމިޝަނަރު މުހައްމަދު ހަމީދު ކުރެއްވި ޓްވީޓެއްގައިި ވިދާޅުވީ، މި މައްސަލައިގައި ހައްޔަރުކުރީ އުމުރުން 34 އަހަރުގެ ދިވެހި ފިރިހެނަކު ކަމަށެވެ. އޭނާ އަކީ ސީރިއާގައި ހިނގަމުންދާ ދާޚިލީ ހަނގުރާމާގައި ބައިވެރިވި ކަމަށް ތުހުމަތު ކުރެވޭ މީހަކު ކަމަށް އެ ޓްވީޓްގައިވެ އެވެ.

ފުލުހުން ފަހުން ބުނީ، އެ މީހާގެ ގެ ބަލައި ފާސްކުރުމުގެ މަސައްކަތް ފުލުހުން ފަށާފައިވާ ކަަމަށެވެ.

ސީރިއާގައި ހިނގަމުންދާ ހަނގުރާމައިގައި ބައެއް ދިވެހިން ދަނީ ބައިވެރިވަމުންނެވެ. އޭގެ ތެރެއިން ބައެއް މީހުން ހަނގުރާމައިގައި މިހާރު ވަނީ މަރުވެފަ އެވެ.

We have just arrested a 34 year old Maldivian male who arrived in Maldives today. The individual is suspected to have taken part in terrorist activities in Syria. He appears on our potential list of Maldivian FTFs. Investigation is underway.
— Mohamed Hameed (@M_Hameedh) October 15, 2020

ހަމީދުގެ ޓްވީޓް

ހަނގުރާމައިގައި ބައިވެރިވުމަށް ފަހު އެނބުރި ރާއްޖެ އައި ބައެއް މީހުންގެ މައްޗަށް ދައުލަތުން ދައުވާކުރި އެވެ. އެކަމަކު މިހާތަނަށް އެއްވެސް މީހެއްގެ މައްޗަށް ކުށް ސާބިތެއް ނުވެ އެވެ.

Comments