Roadha Mihaaru
މުޅި ރާއްޖެ އަށް ވިއްސާރަވެ، ރާޅުއަރާފާނެ: މެޓު

މުޅި ރާއްޖެ އަށް ވިއްސާރަވެ، ރާޅުއަރާފާނެ ކަމަށް ލަފާކޮށްފި

19 ޖުލައި 2020

މުޅި ރާއްޖެ އަށް މިއަދުގެ ވަކި ވަގުތުތަކެއްގައި ވިއްސާރަކޮށް، ރާޅުއަރާފާނެ ކަމަށް މޫސުމާ ބެހޭ އިދާރާ އިން ލަފާކޮށްފި އެވެ.

ޝުރުފާ މުހައްމަދު ޝުރުފާ މުހައްމަދު

މުޅި ރާއްޖެ އަށް މިއަދުގެ ވަކި ވަގުތުތަކެއްގައި ވިއްސާރަކޮށް، ރާޅުއަރާފާނެ ކަމަށް މޫސުމާ ބެހޭ އިދާރާ އިން ލަފާކޮށްފި އެވެ.

މޯލްޑިވްސް މީޓިއޮރޮލޮޖިކަލް ސާވިސް އިން ނެރުނު ވައިޓު އެލާޓުގައިވާ ގޮތުން، މިއަދު ހެނދުނު 10 ން މެންދުރުފަހު ތިނަކާ ހަމައަށް ހއ. ން އައްޑު އަށް ބޯކޮށް ވާރޭ ވެހޭނެ އެވެ.

މެޓް އޮފީހުން ބުނީ އެ ވަގުތު ގަޑިއަކު 22 މޭލާއި 27 މޭލާ ދެމެދުގެ ބާރުމިނުގައި ވައި ޖެހޭނެ ކަމަށެވެ. ވިލާގަނޑުގައި ގަޑިއަކު 50 މޭލާއި 55 މޭލާ ދެމެދުގެ ބަރު މިނުގައި ވައި ޖެހޭނެ ކަމަށް ވެސް އެލާޓުގައި ވެ އެވެ.

މެޓުން ބުނިގޮތުގައި، ބޯކޮށް ވާރޭ ވެހި ކަނޑު ގަދަވެ، ރަށްތަކަށް ރާޅު އެރުމުގެ ފުރުސަތު ވެސް އެބައޮތެވެ.

އިއްޔެ އިން ފެށިގެން ރާއްޖޭގެ މޫސުން ވަރަށް ބޮޑަށް ގޯސްވެ، ކަނޑުމަތީގެ ބައެއް ހާދިސާތައް ވެސް ވަނީ ހިނގައިފަ އެވެ. އޭގެ ތެރޭގައި ދޯންޏެއް ބަންޑުން ޖަހާލައި ބަޔަކު ކަނޑުވުމާއި ސަޕްލައި ދޯންޏެއް ދިޔަވުން ފަދަ ކަންކަން ހިމެނެ އެވެ. އެ ދެ ހާދިސާގައި ވެސް ސިފައިން ވަނީ އެހީތެރިކަން ފޯރުކޮށްދީ، މީހުންނާއި މުދާތައް ސަލާމަތް ކޮށްދީފަ އެވެ.

މިއަދު ހެނދުނު ވެސް މެޓުން ވަނީ ދެކުނުގެ އަތޮޅުތަކަށް ވައިޓް އެލާޓެއް ނެރެފަ އެވެ. މެޓުން ލަފާކުރާ ގޮތުގައި ދެކުނުގެ އަތޮޅުތަކަށް ވިލާގަނޑުގައި ގަޑިއަކު 45 މޭލާއި 55 މޭލާ ދެމެދުގެ ބާރުމިނަށް ވައި ގަދަވާނެ އެވެ. ކަނޑު ގަދަ ވާނެ ކަމަށް ވެސް ލަފާކޮށްފައި ވެ އެވެ.